Skip to main content

Ilinniartitsisut kattuffiat isornartorsiunerup kingorna: Atuartut amerlassusaat 18-inngorlik

Atuartut amerlavallaat aamma qajassuaatsut - meeqqat atuarfianni taakku ajornartorsiutit annersaraat. ilinniartitsisut kattuffianni siulittaasuujunnaartoq Sivso Dorph oqarpoq

Kommunit atuarfiini sipaarniuteqartoqarpallaarpoq, tamannalu atuarfinni nipitunerusunik, atuartunut immikkut ittunik ikiuinerit annikinnerusut aammalu ilinniartitsisunit napparsimasoornernik kinguneqartitsisarpoq.

Tamanna atuartunik pisinnaasakinnerusunik pisinnaasaqarnerusunillu eqquisarpoq, Sivso Dorph, ilinniartitsisut kattuffianni IMAK-mi siulittaasoq oqarpoq.

Nassuerutiginninneq amigaataasoq
Politikerip Naaja Nathanielsenip marlunngormat ernummatigisani saqqummiunnerisa kingorna, Nunatsinni pisortat atuarfiini maanna oqallisaaqqilerput.

Atuaruk: Naajap pisortat atuarfiutaat taamaatiinnarpaa

Meeqqat amerlasuut inuuniarnermikkut ajornartorsiornerat, aamma tamatuma atuarnerat sunnertaraat, ataatsimut isigalugit paasinniffigineqarnissaat amigaataasoq, Sivso Dorph oqarpoq.

- Politikerit nuimasut inuuniarnikkut aamma inuiaqatigiinni ajornartorsiutit annertuut, atuarfiullu ingerlanneqarnerani sunneeqataasut nassuerutiginngikkaat tupinnarpoq. Taamaattumik amerlasuunik atuartuuteqarpugut nipituuliortunik imaluunniit qajassuaassinngitsunik.

Tapersersuineruneq aamma isumassiuineq
Meeqqat namminneq inuttut ajornartorsiuteqartut, klassini angisuuni ajornartorsiutaagajuttartut, ilinniartitsisut siulittaasuat oqarpoq.

- Ilinniartitsisut stressilersarnerat tamatuma malitsigisarpaa. Politikkikkut ingerlatsinerup immikkut ittunik ajornartorsiuteqarnerput, aamma pitsaanerusumik tapersersuinermik isumassiuinermillu pisariaqartitsisumik meeqqat atuarfeqarnerput nassuerutigisariaqaraa isumaqarpunga.

Atuaruk: Naalakkersuisoq: Nathanielsen paasisinnaavara

Nunatsinni atuarfinni ilasortami tungaani kisimi ajornerulertoqartoq, Dorph oqarpoq.

Atuartut ikilisissigit
Taassuma atuartunut ataasiakkaanut klassimit peersitsilluni ikiusinnaaneq maqaasivaa.

- Aaqqiinissamut periarfissat amerlasoorujussuupput, taanna Sermitsiaq.AG-mut oqarpoq, kisianni tikkuarpaa atuarut 26-iutinneqartarnerat amerlavallaarujussuartut..

Atuaruk: Meeqqat illersuisuat: Atuartut pikkorinnerit aamma puigorpagut

- Ajornartorsiutit annertoorsuit tamakkut pigitillutigit, klassit angisuut ajornerulersiinnartarpaat. Atuartut amerlassusaat appartillugu aaqqiissuutaasinnaagaluarpoq. Atuartut 18-t pitsaanerpaassagaluarpoq, IMAK-imi siulittaasoq oqarpoq.

Misissuerusuttoq
Siunnersuut akisorpasippoq. Illit nammineq kattuffimmi siulittaasutut taamaatilerputit, atuarfinnullu kommunimi pisortatut aallartilerlutit. Pitsanngorsaanerni aningaasat sumut atorniarpigit?

- Maannakkorpiaq oqaluusererusunngikkallarpara. Kisianni atuarfiit ataasiakkaat misissorniarlugit oqaatigisinnaavara. Qanoq ingerlasoqarnersoq paasiniarlugut, aamma ataasiakkaani kommuni qanoq iliorsinnaanersoq.

Atuartut amerlassusaat ikilitinniarlugu siunnersuuteqaravit, taava aalajangerneq kommuninit aningaasaliinermut pissarsissutaanerpaassasoq isumaqarpa? 

- Naamik, taamaaqqissaartariaqanngilaq. Meeqqat taperserneqarnissaat aamma isumassiorneqarnissaat pisariaqarpoq.

Skolefeet ikiuussinnaapput
Atuarfiit ilaat 'skolefeenik' taaggutilinnik sulisoqartarnikuupput, taakku atuarnerup avataatigut meeqqanut attaveqarnerunissamik siunertaqarput. Taamatut aaqqiissuteqarneq qanoq isumaqarfigaajuk?

- Tamanna pitsaasuuvoq. Sisimiuni tamanna iluatsinnikuuvoq, ajoraluartumilli tassunga aaqqiissummut aningaasassaaruttoqarpoq. Atuarfinni isumaginninnermut siunnersortit aamma aaqqiissutaasinnaapput, ilinniartitsisut siulittaasuat, Sivso Dorph oqarpoq.

Atuaruk: Imak: Kommunit meeqqat atuarfiinik kivitsisinnaanngillat

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER