meeqqat atuarfiat
Ilinniartitsisut eqiasuttut amerlavallaarput
Malik Berthelsen Siumumeersoq kommunemut qinersisoqarnissaani. Qeqqata Kommuniani politikkimi sassaqqilersoq meeqqat atuarfianni ilinniartitsisunik sumiginnaaneraavoq. Ilinniartitsisut kattuffiata isornartorsiut tunngavissaqannginnerarpaa
Ilinniartitsisut meeqqat atuarfianut tamakkiisumik tunniusimanngitsut inuiaqatigiinnit akissaqartinneqarpat?
Apeqqut tamanna oqaluuserineqartariaqartoq siornatitigut Siumut sinnerlugu Inatsisartuni ilaasortaq Malik Berthelsen isumaqarpoq, taannalu Qeqqata Kommuniani qineqqusaartunut ilannguppoq.
Qeqqata Kommuniani meeqqat atuarfianni 2015-mi 2016-milu soraarummeernermi angusat Malik Berthelsenip qimerluuataarsimavai assullu pakatsissutigalugu soraarummeertut 60 procentii matematikkimi anguseqqatussimanngikkunik angusinngitsoortartut pingaartumik problemregning nalorsarfigineqartarsimammat.
Atuaruk: Nivi Olsen: Atuarfitsialak atuutinngilaq
Sulinngitsuukulavallaarput
- Kommunitsinni unammilligassat pimoorunneqartussallu annersaat tassaavoq, meeqqat atuarfianni naammassisartut karakteriisa pitsanngorsarneqarnissaat, Malik Berthelsen oqarpoq ilinniartitsisullu isornartorsiorlugit.
Taassuma erseqqissarpaa nalunngilluarini pikkorissunik sulilluartunillu ilinniartitsisorpassuaqartoq. Naliliinerali malillugu aamma ilinniartitsisoqarpoq sulinngitsuukulavallaartunik.
- Isumaqarpunga ilanngullugu eqqarsaatigineqaqqittariaqartoq, ilinniartitsisut taamak annertutigisumik isumaqatigiissutitigut illersugaanerat pissusissamisoornersoq? Ullunimi atuarfiusussanit 200-init ullut 120-it piumagunik sulinngitsoorsinnaatitaapput soraarsitaanngikkaluarlutik, tassa ullut atuarfiusut 60 procentiat.
Atuaruk: Sermersuup atuarfii angusarissaarnerupput
- Taamaattoqartillugu meerartagut ilikkarnissaminnut taava sutigut illersugaappat? Tassami vikar-it ilinniartitsisutuulli piginnaaneqannginnerat pissutigalugit tamakiisumik naatsorsuutigineqarsinnaanngillat, Malik Berthelsen oqarpoq.
Ilinniartitsisut kattuffianni IMAK-imi siulittaasoq Karl Frederik Danielsen erseqqissaavoq sulinngitsoorsinnaanermut malittarisassat ilinniartitsisunut taamaallaat atuutinngitsut. Taamatummi illersugaasut tassaanerparpaattaaq isumaqatigiissutit tunngavigalugit sulisut aammalu atorfillit isumaqatigiissutaat malillugu sulisut.
Taakkulu inatsisit tunngavigalugit illersugaasut oqarpoq.
Atuaruk: D: Meeqqat atuarfiat sallinngortinneqartariaqarpoq
AG-mi kingullermi allaaserisaq tamaat atuarneqarsinnaavoq, taannalu pisiarfinniilereerpoq. Uanili aamma pisiarisinnaavat: