Ilinniartitsisoq Dronning-ip nersornaasiuttagaanik nersornaaserneqarpoq
Bodil Brandt , Qeqqata Kommuniani ilinniartsitisutut sulisoq, ukiuni 40-ni atorfeqarsimanermini dronning-ip nersornaasiuttagaanik sølv-isumik nersornaaserneqarpoq.
Sisimiuni kommunip allaffiani persuarsiutigineqarluni nersornaat ilinniartitsisumut Bodil Brandtimut borgmester Malik Berthelsenimit ataasinngormat tunniunneqarpoq.
Bodil Brandt ukiuni 40-ni atorfeqarsimanermini dronning-ip nersornaasiuttagaanik sølv-isumik nersornaaserneqarpoq.
- Bodil, amerlanerulluta ilittut ikkaluarutta, qularnanngiivippoq kommunitsinni ilinniagaqarsimassuseq suli qaffasinnerusumik inissisimassagaluartoq, taamaattumik kommunitsinni innuttaasunut pingaarutilimmik maligassiuisunut ilaalluinnarputit, tamannalu bormesteritut tulluusimaarutigaara, ilittut ittumik ukiuni taamak amerlatigisuni kommunerput sulisoqarmat, borgmesteri oqalugiarnermini ilaatigut oqarpoq.
Kunngeqarfik Danmarkimi nersornaatitut tunniuttagaanni, Dronningip nersornaatitut tunniuttagaat pisoqaanersaavoq. Aalajaatsumik sulisimanermut akissarsissutissanngorlugu, 1792-imi pilersinneqarpoq.