pilluaritsi
Ilinniartitsinerup naggammik atorneqarnerani angusarissaarneq
Qaqortumi ilinniarnertuunngorniarfinni misilitsittut kingulliit angusaqarluartut
Annonse
Ilinniarnertuunngorniarfinni nutarterisoqareernerata kingorna ukioq manna ilinniarnertuunngorniarfinni naammassisut periaatsimi ilisimaneqartumi naggataamik naammassisuupput.
Qaqortumi GU-mi aamma HHX-imi misilitsinnerit kingulliit ingerlanneqareerput. Misilitsittut kingullersaat tamarmik A-mik tunineqarput.
Otto Peter Høyer Jensen GU-mi naammassisoq Thorkild Taatsiaq Kokholmilu HHX-imi naammassisoq ilaqutariipput. Taakku misilitsittuni kingullersaapput, atuaqatiminni kingullersaallutik misilitsillutik, marluullutillu A-mik tunineqarlutik.
Ilinniarnertuunngorniarfinni aappaagu naammassisut GUX-imi naammassisimasutut taaneqartalissapput. Kalaallit Nunaanni GU 1986-mi aallartippoq, HTX 2000-mi HHX-ilu 2002-mi.