Ilinniartitaanermi unammilligassat annertuut
Nunaqarfinni ilinniarsimasut amigaataasut, immikkut atuartitsisarnermi ilinniartitsisut piginnaasallit ikippallaartut inuusuttullu ilinniaqqiffiini uniinnartartut amerlavallaartut. Ilinniartitaanermi ajornartorsiutit nalunaarusiami nutaami taakkartorneqartut tassa ilamerngi.
Ilinniartitsisoqarnikuuit ilinniarsimanngitsumik?
Qulaani taakkartorneqartut tassaapput Nunatsinni ilinniartitaanermi unammilligassat annerpaat ilaat. Ilinniartitaaneq killiffissiorniarlugu Inuit Pisinnaatitaaffii pillugit ilisimatusarfiup Kalaallit Nunaannilu Inuit Pisinnaatitaaffii pillugit Siunnersuisoqatigiit peqatigiillutik nalunaarusiorput.
Nalunaarusiaq Naalakkersuisunit kommuniniillu malinneqartariaqartunik innersuussutinik imaqartoq, inuit pisinnaatitaaffiinik illersuisartut isumaqarput.
- Meeqqat inuusuttullu tunngaviusumik pisinnaatitaaffigaat ilinniarsinnaatitaaneq. Ajoraluartumilli imaanngilaq meeqqat inuusuttullu tamarmik Kalaallit Nunaaniittut tulluuttumik ilinniagaqarnissaminnut periarfissaqartut. Taamaattumik pingaaruteqarpoq Naaalakkersuisut kommunillu kaammattutitsinnut isummernissaat ilinniagaqassutsimilu ajornartorsiutaasunut iliuuseqartoqarnissaa qulakkiissagaat” Louise Holck, Inuit pisinnaatitaaffii pillugit ilisimatusarfiup pisortaa oqarpoq.
Tigussaasunik iliuuseqartoqartariaqarpoq
Nunaqarfinni 60-it missaaniittuni meeqqat atuarfiini ilinniartitsisut taamaallaat 52 procentiisa ilinniartitsisutut ilinniagaqarsimasuupput. Ilinniartitsisullu 91 procentiisa illoqarfinni meeqqat atuarfiini 2019-imi atorfeqartut nalunaarusiap takutippaa. Ilinniartitsinerup taama appasitsiginera meeqqat atuarfianiit inuusuttut ilinniarfiannut ikaarsaarneq sunniuteqarfigaa. Inuusuttummi ilinniarfiini uniinnartartut 50 procentiusarput.
Immikkut siammasinnerusumik atuartitsinermi ilinniartitsisut 79 procentiisa naammattumik piginnaasaqanngillat. Immikkullu nalinginnaasumik atuartitsinermi ilinniartitsisut 81 procentiisa naammattumik aamma piginnaasaqanngitsut ilinniartitsisartut, nalunaarusiap takutippaa.
Innersuussutit:
Inuit pisinnaatitaaffii pillugit ilisimatusarfiup Kalaallit Nunaanni Inuit Pisinnaatitaaffii pillugit Siunnersuisoqatigiit ilaatigut innersuussutigaat:
- Naalakkersuisut kommunit peqatigalugit ilinniartitsisunngorlaat nunaqarfinni inukinnerusuni ilinniartitsisoorusussusermik qaffassaasunik ataannartitsisuusunillu iliuuseqassasut, soorlu nunaqarfinni illoqarfinnilu suleqatigiinnernik paarlaasseqatigiittarnernilluunniit pilersitsinikkut.
- Naalakkersuisut kommunit peqatigalugit speciallærerit ilinniagaasa aamma piginnaasaasa qaffasissusaannik malunnartumik pitsanngorsaaneq qulakkiissagaat.Ilinniartitaanermut,Kultureqarnermut,Timersornermut
- Ilageeqarnermullu Naalakkersuisoqarfik Ilinniartitaaneq pillugu periusissiap tulleruttup suliarineranut atatillugu inuit pisinnaatitaaffii -meeqqat pisinnaatitaaffii ilanngullugit-, innarluuteqarneq, inuiaassuseq aamma oqaatsinik sorlernik atuineq apeqqutaatinnagu immikkoortitsinnginnissaq naligiimmik periarfissaqarnissaq tamani ukkatarineqassasoq.Ilinniartitaanermut,Kultureqarnermut,Timersornermut
- Ilageeqarnermullu Naalakkersuisoqarfiup inuusuttut ilinniarfiini ilinniagaqartut inuuniarnikkut atugarisaannik misissuinernik ingerlatsisalissasoq saqqummiussisalissasorlu, soorlu aamma atuarunnaarnerit patsisigisaat misissorneqassasut malitsigisaanillu ilinniagaqartut inuunerisaanik pitsanngorsaataasussanik tulluuttunik naleraqartunillu malitseqartitsissasoq.