Skip to main content

Ilinniartitaanermi sammisaqarnerup annertusarnissaa sammillugu

Ilinniartitaaneq atugarissaarnermut sakkussanut pingaarnernut ilaavoq aningaasarsiornikkullu siuariartornissamut suliffissaaleqinerullu akiornissaanut aqqutissaalluni, Inuit Ataqatigiit sapaatip akunnerata naanerani Nuummi aasaanerani ataatsimiinnermi erseqqissaapput

Katersuussimasut naammassisaqarluarput ulluni marlunni qulequttat “Namminiilivinnermut aqqut” aamma “Tamat oqartussaaqataanerat” oqallisigalugit. Qulequttat taakkua ataatsimiinnermit nalunaarummi pingaarnertut qulequtarineqartut ilagaat, IA tusagassiorfinnut nalunaarummi allappoq, partiip Nuup katersortarfiani aasaanerani ataatsimiinnerata kingorna, tassanilu peqataapput nunaqarfiit siulersuisuini, kommunalbestyrelsini, Inatsisartuni Folketingimilu politikerit.

Aasaanerani ataatsimiinnermit nalunaarut, kalaallisut qallunaatullu ilanngunneqartoq, atuarsinnaavat.

Nalunaarummi Inuit Ataqatigiit najukkani nunalu tamakkerlugu tamat oqartussaaqataanerannik innuttaasunillu peqataatitsinikkut nukittorsaaneq namminiilivinnissamut aqqummi atorneqartariaqartut ilagigaat.

Tamatumunnga atatillugu partiip erseqqissarpaa Inuit Ataqatigiinnut aalajangiisuusoq inuiaqatigiinni tusagassiorfiit qilersorsimannginnissaat nukittuujunissaallu.

Inuit Ataqatigiit aamma erseqqissarpaat ilinniartitaanermi meeqqallu atuarfianni pilersitsiortornermut sammisaqarneq annertusartariaqartoq. Ilinniartitaaneq atugarissaarnermut sakkussanut pingaarnernut ilaavoq aningaasarsiornikkullu siuariartornissamut suliffissaaleqinerullu akiorniissaanut aqqutissaalluni. Inuiaqatigiit nukittuut meeqqanik inuusuttunillu kultuurikkut anersaakkullu nikuttuujusunit assigiinngisitaarnitsinnillu ilisimasaqaluartunit pilersinneqassapput, partiimit tusagassiorfinnut nalunaarummi allassimavoq.

Inuit Ataqatigiit aamma avinngarusimasut illoqarfiillu annerit akornanni ataatsimoornerunissaq pingaartippaat. Assigiinngisitaarnerput nukittut atussavarput.

IA-lli kommunit, aamma illoqarfiit pingaarnersaata kommuniata kommunillu allat akornanni aaqqiagiinnginneq isummerfiginngilaat. Aali kommunit ataatsimeersuangajalersut, qularnanngitsumik oqaluuserissallugit naligiissaarineq, nutaamik aaqqissuussinissaq, aammalu suliassanik nutaanik kommuninut tunniussinissaq. Soorluttaaq Sermersuup borgmesteriata IA-meersup Naalakkersuisullu siulittaasuata aaqqiagiinngissutigigaat nunami kommunit annersaat isumaqatigiinniarnernut peqataassanersoq, kommuni Kanukoka-mut ilaasortaajunnaareermat.

Ajornartorsiut tamanna pillugu Sermitsiami annertunerusumik atuarsinnaavutit, taannalu pisiarisinnaavat uani.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER