Ilinniarnertuunngorniartoq imerniartarfimmi nalusaminik aanngajaarniutitortinneqartoq

Nuummi ilinniarnertuunngorniartoq arfininngornermi unnuakkut ilisimaneqanngitsumik "aanngajaarniummik" pivoq, pinerliisoq pinerliisulluunniit ilisimaneqanngitsut ilinniarnertuunngorniartup imerniartarfimmi Manhattanimi colatugaa aanngajaarniummik akusimavaat.

Anaanaasoq, Zenica Gosvig Larsen, Facebookimini allappoq ilaqutariiullutik, minnerunngitsumillu ernerata pisoq sakkortooq qanoq misigisimaneraat.

Iluatsitsinermi erniusup ikinngutaata malugilersimavaa imerniartarfimmiitillutik ajortoqartoq. Erniusoq oqalussinnaarpianngilaq, ittoqertorujussuulluni, alanini aqussinnaanagit isaasalu tappiutai allisimallutik aalajangiusimalluni ataasiinnarmut ukisisinnaajunnaarsimalluni.

Ikinngutaasoq taxanut sianerpoq, aquttuusulli pisoq nalilersornerluppaa, aalakoorsoralugillu angutit marluk sumi tamaani niuinnarlugit.

Anaanaasoq ilisimatitsivoq angutit marluk taxanut taakkununnga kingorna ikeqqissimagaluartut, sivikitsuinnarmilli ilaasorereerlugit aquttup nioqqissimavai, naak ikinngutaasoq nassuiaaniarsarigaluartoq aalakooratik ikiortariaqavillutilli.

Arnap biilertup ikiorpai

Qujanartumik arnap biilertup sanioqqutiinnarnagit ikivai angerlarsimaffimmullu apuullugit.

Erniusoq piffissami tassani nammineerluni pisussinnaanngilaq, anaanaasorlu Zenica Gosvig Larsen ilisimatitsivoq ernera oqalussinnaasimanngitsoq ittoqertorujussuullunili. Aalaasinili aqussinnaanngilai, isaasa tappiutai allisimapput ataasiinnarmullu ukisisinnaajunnaarsimalluni.

Pinartoqartillugu nakorsiartarfimmut anaanaasoq sianerpoq, ambulancellu aggertinneqarput. Pinartoqartillugu nakorsiartarfimmi quua misissorneqarpoq misissugassamillu aaverneqarluni. Nakorsap ingerlaannarluni imigassaq ikiaroornartorlu hashi pissutaanngitsut qulakkeerpai.

SANA misissuutinik atortoqanngilaq ernerusup sumik aanngajaarniummik aavaniittoqarneranut misissuinissamut, anaanaasoq nassuiaavoq.

Kingunerluuteqanngilaq

Zenica Gosvig Larsen Facebookimini allappoq erniusoq maannakkut qujanartumik ajunngitsoq kingunerluuteqarpasinngitsorlu.

Ilaqutariit pisoq politiinut nalunaarutigaat, erniusorlu ataasinngornermi killisiorneqarluni. Sermitsiaq.AG-p ilisimatinneqarnera naapertorlugu suliaq politiit ingerlateqqissanngilaat, Stigip takusimanngimmagu colatukkani kimit “aanngajaarniummik” akuneqarsimanersoq, taamaattumillu politiit malitassaqaratik.

Anaanaasoq Sermitsiaq.AG-mut ilisimatitsivoq ernini akuersiteqqaarlugu pisoq nittartakkani attaveqatigiiffinni oqaluttuaralugu, taamaaliorluni imerniartarfinniittartut angajoqqaallu imerniartarfiliartartunik meerallit pisoqarsinnaaneranik mianersoqquniarlugit.

Mianersoqqussut

Anaanaasup Facebookimini allatani mianersoqqussummik naggaserpaa:

- Sianigalusi! Imikkat alanngisaannaruk.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS