Ilinniarfissuarmi pisortaq taarserneqarpoq

Ilinniarfissuarmi rektori, Dorthe Korneliussen, maanna allamik taarserneqarallalerpoq.

Britta Lohmann rektorinngussaaq.

Nalunaarusiap ilinniarfik aamma aqutsisuisa pitsaassusaanik isornartorsiunerup kingorna tamanna pivoq.

Atuaruk: Ilinniarfissuaq angusinngitsoorpoq

- Ilinniarfimmi aqutsisup piffissami sivisuumi peqannginnera pissutigalugu, Britta Lohmann aqutsisuugallartussatut maannamut toqqarneqarpoq, Ilisimatusarfimmi rektori, Tine Pars, Sermitsiaq.AG-mut uppernarsaavoq.

Ilinniartitsisunngorniarfik Ilisimatusarfiup Tinep akisussaaffigisaata ataaniippoq.

Nassuiaatitaqanngitsoq
Nalunaarusiap ilinniarfimmut pisortaanullu isornartorsiuinera pissutaaqataava?

- Una inunnut ataasiakkaanut tunngassuteqarpoq, taannalu sulisuma ilagivaat. Taamaattumik oqaaseqarfigisinnaanngilara, Tine Pars oqarpoq.

Aalajangiineq sulisunut e-mailikkut tallimanngornermi 8. april nalunaarutigineqarpoq.

Atuaruk: Atuarfiit ineriartortinnissaannut pilersaarut nutaaq borgmesterip tatigaa

Ullormi tassani Ilisimatusarfik Ilinniarfissuup iliuusissaanik allannguineq saqqummiussivoq. Nalunaarusiap nutaap naqissuserpaa aqutsisut nukittorsarnissaasa pingaaruteqassusaa, aamma amerlanerusuni sulisoqarnissaa, Tine Pars universitetip nittartagaani allappoq.

- Nalilersuinerup takutippaa ilinniartitsisunngorniarfimmi pitsaassutsikkut aqutsinikkullu annertuumik aaqqitassaqartoq, inuttulli ataqatigiilluarneq nukittoqutaasoq.

Ajunnginnerusumut sangutinneqassasoq
Ilinniarfissuarmi aqutsinikkut aaqqissuussineq nutaaq siorna nalunaarutigineqarpoq, universitetillu neriuutigaa nunatsinni ilinniartitsisunngortussanut kivitsiumaartoq.

- Nalunaarusiami oqaatigineqarpoq ilinniarfiup ’mumilluinnarneqarnissaa’ pisariaqartoq. Pisariaqarpoq aaqqitassaqartillugu kinguneqartitsisarnerit malitseqartitsisarnerillu sukateriffiginissaat, linniartut akornanni ataqatigiilluarneq innarlernagu. Tamanna muminneq maanna aallartipparput, Tine Pars tallimanngormat tamanut saqqummiussinermi allappoq.

Rektori nutaaq
Universitetimi rektorip ullormi tassani sulisunut e-mailikkut rektorimik nutaamik Dorthe Korneliussenimik taartissamik toqqaaneq oqaluttuaraa:

- Britta Lohmannip ukioq ilinniarfiusussamut pilersaarusiornissamut akisussaaffimmut aamma ulluinnarni ilinniarfimmi suliassanut piumasaqaatit pigai. Taamaattumik suliassaq aallartikkumammagu nuannaarutigaara.

Atuaruk: Naajap pisortat atuarfiutaat taamaatiinnarpaa

Atuaruk: Ilinniarfissuaq angusinngitsoorpoq