Ilinniarneq

Ilinniarfissuaq angusinngitsoorpoq

Nunatsinni ilinniartitsisunngorniarfik, Ilinniarfissuaq, amerlavallaanik suliamut sanngiippallaartunik ilinniartitsisarpoq

Ilinniarfissuaq, Seminarium
Nuummi ilinniartitsisunngorniarfimmi, Ilinniarfissuarmi, immikkoortut ilaanni 'ajorluinnartoq' nalunaarusiaq nutaaq oqariartuuteqarpoq

Kalaallit Nunaanni ilinniartitsisunngorlaat atuarfimmut ingerlateqqinneqaraangamik suliamut tunngatillugu sanngiippallaarput.

Nalunaarusiami nutaami Danmarks Evalueringsinstitutimit (EVA), Ilisimatusarfimmut suliarineqeqartumut tamanna nalilerneqarpoq.

Ilinniarfissuaq Ilisimatusarfiup ataaniippoq.

Fagit pingaarutillit sumiginnaraat
Ilinniartitsisunngorniat fagini Kalaallisut Qallunaatullu angusarissaarnerpaasarput, Matematikkili, Tuluttut aamma Fysik/Kemi sumiginnarneqartarput.

Evap nittartagaani nalunaarusisaq atuaruk: Evaluering af Grønlands læreruddannelse på Ilinniarfissuaq

Nalunaarusiaq naapertorlugu ilinniartut nutaat amerlasuut, Kalaallisut aamma assassorluni imaluunniit ilusilersuinerit toqqartaraat akunnakutsoortuuvoq.

- Ilinniartut amerlasuut linjefagit oqitsutut tusaamaneqartut, soorlu Eqqumiitsuliorneq, Assassorneq aamma Kalaallisut toqqartarpaat, Evaminngaanneersut nalunaarusiami allapput.

Sammisat pingaarutillit amigaataasut
- Ilinniarfissuarmi ilinniartitsisunngorlaat linjefaginik meeqqat atuarfiini pisariaqartinneqartunit tulluanngitsunik katitikkanik ilinniagaqarlutik naammassisarput.

Atuaruk: Meeqqat illersuisuat: Atuartut pikkorinnerit aamma puigorpagut

Evap nalilersuilluni nalunaarusiaani oqaaseq 'ajorluinnartoq' ilinniarfiup pitsaasusaata ilaanut atorneqarpoq, aamma ilinniarfimmi aqutsisut isornartorsiorneqarput.

Karakteerit qaffasippallaartut
Ilisimasallit soraarummerutaasumik bacheloritut suliat angusisimasut 15-it katersorsimavaat avataaneersunit nalilertinniarlugit. Tassani paasineqarpoq, Ilinniarfissauaq karakteeriliinermi tukkortorujussuusimasoq.

Danmarkimi ilinniartitsisunngorniarnermi piumasaqaatit naliliissutigineqarsimasuuppata, suliat 15-iusut affaat taamaallaat angusisimassagaluarput.

Atuaruk: Naajap pisortat atuarfiutaat taamaatiinnarpaa

Naliliisut erseqqissarpaat, ilinniartitsisunngorlaanut ilinniartitsisut misilittagartuutut piumasaqaataasartut piumasaqaatigineqarsinnaanngitsut. Kisianni misissuinermi tamanna eqqarsaatigineqarsimavoq.

- Tunngaviusumik ilisimasat teorimik ilisimasat aamma sungiusarnermik suliffimmillu misiliinerup ataqatigiisinnerisigut inissinniartariaqartut, misissuisut isumaqarput.

Atuaruk: Ilinniartitsisut kattuffiat isornartorsiunerup kingorna: Atuartut amerlassusaat 18-inngorlik

Aalajangiinermik tunngaviit aallaavigineqartut naapertorlugit, aamma ilinniartitsisut ilinniartullu suleqatigalugit oqaloqatigiinnerit misissuinerillu tunngavigalugit, ilinniartitsisunngorlaat tunngaviusumik sammisanik pingaarutilinnik suliaqarnissartik amigaatigigaat, ilisimasallit misissuisut isummerfigaat.

- Assersuutigalugu sammisat makku pineqarput, atuartut immikkut pisariaqartitallit, ilinniartitsinermi assigiinngissitaarineq, naliliineq aamma angajoqqaanik suleqateqarneq.

Atuaruk: Naalakkersuisoq: Nathanielsen paasisinnaavara

Atuaruk: Atuarfiit ineriartortinnissaannut pilersaarut nutaaq borgmesterip tatigaa

Powered by Labrador CMS