Skip to main content

Ilinniagaqartut uranimik piiaaneq paasisaqarfigissavaat

Campus Kujallermi ilinniagaqartut 250-t missarpiaanniittut sapaatip akunnera ataaseq Kuannersuarni suliniut sammissavaat

Skærmersuakkut professor Minik Rosing oqalugiassaaq nalunaarusiaq ´Kalaallit Nunaannut iluaqutaasussamik´ aallaavigalugu.

Kuannersuit sananeqaataa oqaluttuarineqassaaq.

Savaateqarfimmillu Ipiutameersoq Agathe Devisme saqqummiussissaaq aatsitassanik piiaaffissamut ernumanartitaminik ilimagisaminillu.

Sapaatip akunnera sammisaqarfik

Tamakkua pilersaarutigineqarput Campus Kujalliup sapaatip akunnerani tullermi Narsap eqqaani Kuannersuarni uranimik piiaaffiginiarneqartoq sapaatip akunnerani ataatsimi sammippagu, taamatut paasissutissiivoq forstander Steffen Lund.

Panelimi oqallinneq

Sapaatip akunnerani tassani aamma panelimi oqallittoqassaaq, tassani peqataassallutik borgmester Jørgen Wæver Johansen (S), Johannes Kyed aatsitassarsioqatigiiffimmit Greenland Minerals and Energymeersoq (GME), Mikkel Myrup avatangiisinik illersuiniaqatigiiffimmit Avatameersoq kiisalu Lisberth Søvndahl Petersen Inuit Ataqatigiinneersoq.

Sammisaqaqatigiit

Tamatuma saniatigut gruppini sulisoqassaaq, ilinniagaqartut piiaaffissatut suliniutip immikkoortuinik assigiinngitsunik suliaqassallutik.

Ilaasa peqqissutsimut avatangiisinull sunniutissai sammissavaat. Oqaatsinik samminnittut attaveqarneq sammissavaat, suliniummullu tapersersuilluni akerliliilluniluunniit oqalugiaatigineqartarsimasut ilaat sammissallugit. Suleqatigiillu ilaasa aningaasanut tunngasortai, soorlu suliassaqartitsineq inuiaqatigiillu aningaasarsiornerat, sammissavaat.

Isiginnaartitsineq

Tamatuma saniatigut ilinniagaqartut grundstoffinik kemimik misileraassapput, klassimilu naleqassutsit tulleriiaarnerat takutissallugu. Taavalu isiginnaagassiortoqassaaq: Narsamut 2050-imut takorluukkersaarutit marluk, ilinniagaqartullu aamma assilialianik eqqumiitsuliaat akerliuniarlunilu erinarsuusiat misissussavaat - namminerlu aamma sanasinnaallutik.

Suut tamarmik ilinniarfiup nutaarsiassaliorfianit ilinniartunit ingerlanneqartumit malinnaafffigineqassapput, taakkua nutaarsiassanik paasissutissanillu nettimut ataavartumik ilisisassallutik.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER