Skip to main content

Ilimmiarfimmi nalliuttorsiorneq

Ilimmarfimmi bachelorinngortut kandidatinngortullu allagartartaartinneqarmata inunnik kusassarsimasorpassuarnik ulikkaarsimavoq

Tallimanngorneq Ilisimatusarfimmut Ilimmarfimmullu ulloq nalliuttorsiorfiuvoq. Bachelorinngortummi 45-ut kandidatinngortullu arfineq pingasut ilinniakkaminnik naammassillutik allagartartaarput.

Ukiup siulianut sanilliutissagaanni ukioq manna bachelorinngortut 14-nik amerlanerupput kandidatinngortullu aamma pingasunik ikannerullutik taamaasilluni Ilisimatusarfik aatsaat taama amerlatigisunik allagartartaartitsilluni.

Ukioq kingulleq kandidaatinngortut qulingiluaallutik bachelorinngortullu 28-iullutik rekortiliipput.

Aatsaat taama amerlatigisut bachelorinngortut

Ukioq manna Inuiaat Kulturiannut Oqaluttuarisaanerannullu Immikkoortortaq 11-nik bacheloritut soraarummeertoqarluni rekortiliivoq. Tulliupput Inuiaqatigiilerinermik Aningaasaqarnermillu Ilisimatusarnermut Immikkoortortaq qulinik bachelorinngortitsisoq, immikkoortortanilu bachelorinngortut agguataarneri ima isikkoqarput:

  • Isumaginninnermut Immikkoortortaq: 7
  • Oqaasilerinermut, Atuakkialerinermut Tusagassiuutilerinermullu Immikkoortortaq: 6
  • Tusagassiornermik Immikkoortortaq: 5
  • Nutserinermut Oqaluttaanermullu Immikkoortortaq: 5
  • Teologiimut Immikkoortortaq: 1

Ilisimatusarfimmi ilinniartut arfineq-pingasut kandidatitut soraarummeerput, Inuiaqatigiilerinermik Aningaasaqarnermillu Ilisimatusarnermut Immikkoortortamit amerlanerussuteqarput arfinillit allagartartaarlutik, taakkunannga ataatsip immikkuullarissoq West Nordic Master program, nunani avannarlerni killerni ilisimatusarfiit sisamat suleqatigalugit neqeroorutigineqartartoq naammassisimallugu. Kiisalu Inuiaat Kulturiannut Oqaluttuarisaanerannullu Immikkoortortamit marluk kandidatinngorlutik.

Teologiimut Immikkoortortaq agguaqatigiisillugu karakteriginnerpaasoq

Katillugit 45-nit bachelorinngortunit arfineq-pingasunillu kandidatinngortunit soraarummeertut marluk suliat karakterillu agguaqatigiissinneranni qaffasinnerpaaneq pillugit nersornaatisissapput.
Teologimik bachelorinngortoq, Liv Molich karakterit agguaqatigiisinneranni 11,1 angusarivai,
cand.scient.adm. Naja Carina Steenholdtilu karakterit agguaqatigiisinnerini 10,2-mik angusaqarluni.
Ileqquusut malillugit ukioq manna aamma KNI bachelorimut tunniussissaaq Sulisitsisullu kandidatimut karakterit agguaqatigiissinneranni qaffasinnerpaamut nersornaammik tunisissalluni.
Allagartaartitsinermi oqalugiartoqarlunilu, tunniussisoqarlunilu ilassinninniarluni aggersaasoqarluni ataatsimoorluni erinarsoqatigiinnertaqarpoq kiisalu nipilersuutinik akunniliisoqarluni.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER