Ilimatsaassineq: Qilalukkat sonarinit qimaatinneqarput
- Naalakkersuisut ilisimasaqarnerlutik Kalaallit Nunaata avannaarsuani Greenpeace sulerisimanersoq?, Jens Napaattooq ilaatigut Naalakkersuisunut apeqquteqaateqarpoq
Qaanaami piniartut paasisinnaangilaat sooq qilalukkat qernertat Qaanaap Kangerluanukarsimannginnersut Jens Napaattooq Naalakkersuisunut apeqquteqaateqarnerminut atatillugu ilaatigut allappoq.
Tassunga atatillugu aperaaq Greenpeace Kalaallit Nunaata avannaaniinnerani sulerisimanersoq Naalakkersuisunut apequteqaatigaa.
- Avanersuarmi qilalukkat qernertat sivisuumik Qaanaap Kangerlussuanut pulanaveersaarsimasut tusaamalersimavagut, tamannalu peqquteqarunartoq Greenpeace immamut ”sonar”-imik immap naqqanut ilisisimaneranik, tamannalu uppernarsilluarniarlugu Partii Naleqqamiik paaserusupparput ilumut taamatut ittoqarnersoq, apeqquteqarnerminut ilaatigut tunngaviliivoq.
Qilalukkanik qimaatitsineq
Sonarit atorlugit qilalukkanik qenertanik qimaatitsisoqarsimanersoq aperaaq.
- Qilalukkat qernertat aarluit nipaannaalluunniit ersigisarivaat, isumaqarnarsisimavorlu aarluit nipaannik ersisaarummik ”sonar”-imik taaneqartartumik immap naqqanut kiversaasoqarsimassasoq, piniartut arlallit tamanna taakkartormassuk, Jens Napaattooq oqarpoq.