Skip to main content

Ilimanaq pisortatiguunngitsumik ministerinit ataatsimiiffiulersoq

Nunani avannarlerni suleqatigiinnermut ministerit Ilulissani sapaatip akunnerani uani naapippata, ministerit aamma nunaqarfimmi Ilimanami pisortatiguunngitsumik ataatsimiinnissaminnut ataatsimiissapput

Issittumi apeqqutit pillugit suleqatigiinneq oqaluuseralugu Ålandimiit, Sverigemiit, Savalimmiuniit, Danmarkimiit Nunatsinniillu nunani avannarlerni suleqatigiinnermut ministerit Ilulissani marlunngornermi pingasunngornermilu naapeqatigiissapput.

Ukioq manna Danmark Nunani Avannarlerni Ministerit Siunnersuisooqatigiivini siulittaasuutitaqarpoq, taamaalillunilu Kalaallit Nunaat Savalimmiullu suliassanut aamma ilanngussaqarsimapput. 

Namminersorlutillu Oqartussanit nalunaarutigineqartoq naapertorlugu nunat avannarliit suleqatigiinnerat Nunatsinni annertunerusumik ilisimaneqalernissaa siunertaralugu Naalakkersuisut ministerit ataatsimiinnissaat atorniarpaat.

- Kalaallit Nunaanni ingerlanneqartunut ataatsimiinnernut allanut arfineq marlunut atatillugu innuttaasut aammattaaq nunat avannarliit suleqatigiinnerat pillugu suli annertunerusumik tusagaqarnissaminnut periarfissaqassapput, Namminersorlutik Oqartussat taama ilisimatitsipput.

Ministerit ataasinngornermi tikissapput
Danmarkip sammisassatut toqqarsimavai ineriartorneq, atugarissaarneq aammalu naleqartitat. Atlantikup avannaaneersut Kalaallillu Nunaat ‘Issittoq Tungujortoq’-mik ilanngussaqarput, tamatumani suliniutit Issittumut attuumassutillit ingerlanneqassallutik.

- Uannit isigalugu Nunat avannarliit suleqatigiinnerat pingaaruteqartumik  Naalakkersuisut nunanut allanut politikkikkut suleqateqarnerannut ilaavoq aammalu tamanna naalakkersuisooqatigiinnitsinnut tunngaviusumut assingulluinnarpoq, soorlu tamanna Nunani avannarlerni sanilitsinnik suleqateqarnitta pingaaruteqarnera erseqqissarsimagipput, Nunanut Allanut Suleqateqarnermut Naalakkersuisuugallartoq Vittus Qujaukitsoq oqarpoq.

Nunani avannarlerni suleqatigiinnermut ministerit Ilulissanut ataasinngornermi tikissapput.

Inuuniarnikkut atukkat misissuiffigineqarnerat
Nunani avannarlerni suleqatigiinnermut ministerit marlunngornermi Ilimanamukassapput, ilaatigut angallanneqarlutik nunaqarfimmi takornariartinneqarlutillu qimussiunneqassallutik, Ilimanamiinnertillu pisortatiguunngitsumik ataatsimeeqatigiinnermik naggasissavaat.

Nunani avannarlerni suleqatigiinnermut ministerit Ilulissani pingasunngornermi ataatsimeeqatigiissapput, ilaatigut atuagaq nunani issittuni inuuniarnikkut atukkat misissuiffigineqarnerannik imalikt, SLiCA, saqqummiunneqassalluni. 

Nunat Avannarliit Ministerinut Siunnersuisoqatigiiffianni siulersuisuneq nunani avannarlerni naalagaaffinni tallimaasuni paarlakaajaattumik aqunneqartarpoq. 2015-imi Danmark sulinermi siuttuussaaq, Naalagaaffeqatigiinnermilu namminersorlutik nunat ingerlasut, Kalaallit Nunaat Savalimmiullu, suliassani akuulluarlutik peqataassapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER