Solstråle
Ilimanami takornariaqarnermik ingerlatsilluartut
Ilaqutariit Villadsenikkut takornarianut kalaaliminiinnavinnik sassaallertarput
Ilimanami takornariaqarneq nalinginnaasumik ingerlalluarpoq.
Taamatut naliliivoq Ilimanarmiu Ove Villadsen, 51-inik ukiulik.
Ove nulialu Jane 2003-miilli nunaqarfimmi takornarianut unnuisarfeqarsimapput. Taanna taagorpaat Tourist House, vandrehjem-itut taaneqarsinnaasoq, tassanilu takornariat aamma nerisinnaapput.
Takornariat assigiinngitsut Ilimanamut tikittarput. Ilaat ulluinnarlutik takornariat, allallu unnuisarlutik.
– Assersuutigalugu upernaakkut takornarianik qimussertitsisarpunga, qimussimik angalaartitsinermi Ilimanarmiut Qasigiannguarmiullu atortarlugit.
Aasaanerani takornariat Ilimanamiittarput ulluni marlunni-pingasuni, aalisartarlutik pisuttuartarlutillu, Ove Villadsen oqaluttuarpoq.
Ukiuni kingullerni marlunni Ove Villadsenip amerikarmiut, Sermersuarmut ilisimasassarsioriartut, sullittarsimavai.
Oqaluttuaq tamaat atuaruk takullugulu Qaasuitsup Kommuniani angisuunik mikisunillu qanoq pisoqartartoq. Aviisi sapaatip akunneranut saqqummersartoq Tamanut Avannaani akeqanngitsumik aasinnaavat uani: