Ileqqaarnissaq taamaatinneqartoq: »Tusagassiuutit pitsaasut ataannassapput«
Tusagassiuutinut tapiissutit oqaluuserineqarput, aamma tusagassiuutit. Naalakkersuinermik suliaqartut kissaatigaat timersorneq sammineqarnerussasoq, sineriammiit nunaniillu allanit tusagassiat – aamma tusagassiortut aalajangersimasunik illersuisarunnaassapput.
Ungasinngitsukkut Inatsisartuni ulloq immikkuullarippoq. Naalakkersuinermik suliallit ilaannikkut nuannaralugillu nuannarinngisatik oqaluuserisussaavaat: Tusagassiortut.
Aviisi AG taama allappoq.
Kisianni qinikkat tusagassiuutinik pituttugaanngitsunik iluarisaqartut akunnerni marlunni oqallinnermi paasinarsivoq, naak nersualaarujussuanngikkaluarlugit. Taamaaqqajanngilarmi. Ingammik Demokraatini oqaaseqartartup Nivi Olsenip oqallinnermi isuma tamanna saqqummiuppaa.
Tusagassiisarneq nunatsinnut pingaaruteqarpoq, pingarnerpaavorlu tusagassiinerup arlaannaannulluunniit tapersersuinngitsumik ingerlanneqarnissaa. Maannakkutut itsillugu allaannginnami tusagassiuutit partiit aalajangersimasut illersortaraat. Tusagassiisarneq partiimut aalajangersimasumut attuumanngitsoq kissaatigaarput, Nivi Olsen oqarpoq.
IA-mi oqaseqartartoq Mariia Simonsen isumaqataanngilaq.
Tusagassiortut taamatut oqaatigigakkit mamiagaara. Pasilliinerit pissusissamisuunngillat. Tamanna tunngavilersortariaqarpat. Tusagassiorneq inatsisinit malitassaqarpoq, ileqqorissaarneq malinneqartussaalluni, maalaarfissaqarlunilu. Aamma tusagassiortunngorniarneq pitsaasunik atugassaqartinneqarpoq, tusagassiortullu nutaat killeqarput. Tusagassiortutut atorfik atorfiusussaavoq ataqqineqarpoq, maannakkulli taamaanngilaq, ineriartornerlu taamaattoq mumisinneqartariaqarpoq, Mariia Simonsen oqarpoq.
Aviisimi AG-mi atuarnerusinnaavutit. Aviisi uani pissarsiariuk: