Ikuallanneq
Ilaqutariit inissaaruttut ikiorneqarluartut
Qaqortumi Blok J-imi piaaraluni ikuallatsitsisoqarsorisoqarnerata kingorna Ilaqutariit arfineq-marluk allami juullisiortariaqarput
Qaqortumi Blok j-imi ikuallattoqarnerata kingorna ilaqutariit arfineq-marluk qimarngunneqartariaqarsimasut illoqarfimmi namminersortunit ikiorneqarluarput.
Illoqarfimmi neriniartarfik juullimut nerisitsissaaq, Lions Club koorinik juullisunnitsunik tunisivoq Pisiffillu aammass ikiorsiilluni. Taamatut paasissutissiivoq INI A/S, taassumalu eqqorneqartut akunnittarfinni inissianut nutaaliaasunut inisseqqissimavai.
AAMMA ATUARUK: Politiit: Inissiaq ikuallatsinneqarpoq
Isumaginninnermik oqartussaasut juulliaqqap unnukkuani ulapissimapput, ilaqutariit eqqorneqaertut kingunerlutsitsinerannik oqilisaanniarlugit.
Eqqorneqartut angajoqqaanik ilaquttanillu juullimi tikeraartunik arlalinnik ilaqarmata ikuallannermi inuit 19-it eqqorneqarsimapput.
AAMMA ATUARUK: Qaqortumi inissiami ikuallanneq
Aamma ilaquttat juullisioriarlutik tikeraartut akunnittarfiup inissiaataanut inisseqqinneqarsimapput, atugaq nuanniikkaluartoq ilaqutariit juullisioqatigiissinnaaniassammata.
INI paasissutissiivoq ikuallannikkut inissiat ilaat ataaseq suujunnaarluinnarsimasoq. Inissiat allat putsumik ajoqusersimapput. Marlunngorpat ajoqusernerit qanorpiaq annertutiginersut nalilersorneqalissaaq,
Ilaqutariit meerartallit ataatsit blokkimi najugaqaannarsinnaasimapput, najugaqarfiat annikitsuinnaermik eqqorneqarsimammat, ineqarfitsik silaannarissarluariarlugu najorsinnaasimagamikku.
Politiit ippassaq inunnik tigusarinnipput.Taanna ulluni 27-ni tigummigallagassanngortinneqarpoq, ikuallatsitsisimasutut pasineqarluni. Politiilli ikuallannermut tunuluaqutaasut pillugit ullumi annertunerusumik paasissutissiisinnaanngillat.