Skip to main content

Ilaqutariit ajornartorsiortut isumaginninnermut siunnersortinit ernumagineqarput

Isumaginninnerup iluani Naalakkersuisut tulleriiaarinerisa kingunerisaannik innuttaasut sanngiinnerusut ilungersorneruleratarsinnaapput. Isumaginninnermut siunnersortit peqatigiiffiat taama isumaqarpoq.

Isumaginninnermut siunnersortit, pitsaaliuinerup Naalakkersuisunit ukkatarineqarpallaarpat, ilaqutariit ilungersuuteqartut suli ilungersornerulissasut.

Nunatsinni inunnik isumaginninnermut siunnersortit ilinniarsimasut peqatigiiffiat, NIISIP,  tusagassiorfinnut taama nalunaaruteqarpoq.

- Ilaqutariit tamakkivillugit Naalakkersuisunit ukkanneqassappata, taava ilaqutariit atugarliornerusut inissaarukkaluttuarsinnaapput. Ilaqutariit atugarliortut inuunerat ajorneruleriartussaaq, Ellen Magnussen, nunatsinni inunnik isumaginninnermut siunnersortit ilinniarsimasut peqatigiiffianni siulittaasoq taama oqarpoq.

Isumaginninnermut siunnersortit erseqqissarpaa pitsaaliuineq, Naalakkersuisut ilaqutariinnut politikkiminni, Inuuneritta III-mi aamma Danmarkimut isumaqatigiissuteqarnerminni sammisaat, pingaaruteqarluinnartuusoq.

- Pitsaaliuineq pingaaruteqarpoq. Katsorsaanermili sullissinerit inissaarullugit sulisoqarnissaa perusunngilarput, Ellen Magnussen oqarpoq.

Atugassat ajornakusoortut

Isumagininnnermut siunnersortit isumaqarput Ilaqutariinnut Naalakkersuisut Politikkiat, Inuuneritta III aamma kalaallit danskillu suleqatigiillutik ilaqutariit atugarliortut pitsaanerusumik sullinneqalernissaannut suliniutaat, piviusumit ungasippallaarujussuartut.

- Ilaqutariit atugarliortut inuuniarnerminni annanniarnissaq ukkatarisarpaat. Ullumikkut sutussaagut, aamma ullut 14-it tullii qanoq inuuniassaagut? Nerrivimmi nerisassaqanngippat perorsaariaatsinut, sammisassanut ilaqutariinnilu qanilaassusermut nukissaq soorlu atorneqangaarunnanngitsoq, Ellen Magnussen oqarpoq nangillunilu:

- Ikiuinissaq annertungaatsiartariaqarpoq. Tassami ikiugassat atugarliuinnanngillat, aamma ilinniarsimasanngillat, suliffissaaleqipput ilaatigullu angerlarsimaffeqanngitsuusinnaallutik. Ajornartorsiutit tamakku aaqqinniarlugit aamma suliniartoqartariaqarpoq, oqarpoq erseqqissarlugulu meeqqanut ilaqutariinnullu atugarliortunut suliniutit iluaqutaasussat sammineqarnerusariaqartut.

Isumaginninnermut siunnersortit peqatigiiffiata Naalakkersuisut kaammattorumavai tulleriiaarinerit misissorluaqqullugit, ilaqutariit atugarliortut ikiorserneqarnissaat ukkatarineqarneruniassammat.

Sulisut amigaatigineqarput

NIISIP erseqqissaatigaa isumaginninnermi pitsanngorsaanissaq pisariaqartoq, nunatsinni ikiorneqartussat tamarmik ikiorneqarsinnaaniassammata. Peqatigiiffiup erseqqissarpaa nukiit pigineqartut tulleriaarinermi atorluarneqartariaqartut:

- Isumaginninnermi sulisut ilinniarsimasut nunatsinni amigaatigineqarmata, nukiit pigineqartut pisariaqartitsinerpaanut atorneqarniassammata.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER