Ilagiit sinniisaat: Naalagiartitsinermi qilaatip atorneqarnissaa qinnutigineqartassaaq
Nuummi palasiusoq Markus E. Olsen palaseqarfimmit suliunnaarsinneqarpoq qaammammi kingullermi. Nuummi ilagiit sinniisaat suliamut akulerussinnaanatik naqissuserpaat.
Qilaatip naalagiarnermi atorneqarsinnaanera maleruagassatigut periarfissaareeraluartoq taamaattorli, Ilagiit sinniisaannut qinnutigineqaqqaartassaaq.
Nuummi Iligiit sinniisaata siulittaasuat Pollas Lyberth tusagassiutinut nalunaaruteqarpoq. Tamanna palasi Markus E. Olsenip palaseqarfimmit suliunnaarsinneqarnera oqaaseqarfigaat.
Akuersissutigineqaqqaassaaq
- Qilaatip atorneqarnissaanut qinnuteqaateqarsimannginnera aammalu Ilagiit sinniisaat ataatsimoorlutik isumaqartut qilaatip naalagiarnermi atorneqarsinnaanera maleruagassatigut periarfissaareernera taamaattorli, taamaattoqassappat tamanna Ilagiit sinniisaannit akuersissuteqarfigineqarluni provsteqarfimmut inassuteqaateqarsinnaanera periarfissaasoq, nalunaarutigineqarpoq.
Suliamut Iligiit sinniisaat akulerussinnaanngitsoq naqissuserneqarpoq.
- Sulisitsisuusut palasimik suliap misissuiffigineqarnerani angerlartitsinerat Ilagiit sinniisaannik qanoq iliuuseqarfigineqarsinnaanngilaq tusaatissatullu tiguneqaartariaqarluni, suliap naammassineqarnissaanut utaqqissunneqartariaqartumik.
Akerliussutsimut takutitsinissamut kaammattuut
Nuummi ilagiit sinniisaasa ataatsimoorlutik nuna tamakkerlugu politikerit nuimasut ilaannik pisumut oqalliseqataanerat ataqqilluinnarlugu oqariartuutigerusuppaat.
- Taamaattorli akerliussutsimik takutitsisoqarnissaanik kaammattuuteqarnera ingasattajaarnertut suliamullu ilisimasaqannginnermik tunngaveqartoq oqaatigineqassasoq isumaqatigiillutik, naak pineqartoq Inatsisartut ataatsimiititaliaani siulittaasuugaluarluni.