Skip to main content

Ilagiit sinniisaanni ilaasortat palasip suliunnaarsinneqarnera akerlerigaat

Nuummi ilagiit sinniisaanni ilaasortat marluk palasip Markus E. Olsenip suliunnaarsinneqarsimanera naammaginngilluinnarpaat.

Nuummi ilagiit sinniisaanni ilaasortap Knud Møllerip palasip Markus E. Olsenip suliunnaarsinneqarsimanera naammaginngilluinnarpaa.

Knud Møllerip Sermitsiaq.AG-mut oqaluttuaraa, ilagiit sinniisaat palasip sooq suliunnaarsinneqarsimanera pillugu erseqqissumik ilisimatinneqarsimanngitsut, Knud Møllerilli ilimagilluinnarnerarpaa, sapaatip-akunnerani matumani marlunngornermi inuiattut ullorsiornermi naalagiartitsisoqarmat qilaatersortitsisoqarsimanera suliunnaarsitsisimanermut pissutaasoq.

- Naalagiartitsinermi qilaatersortoqarnissaa palasimit akuerineqarsimavoq, tassani qilaatersortoq naalagiartitsineq ataqqillugu eqqissisimaumik qilaatersorsimavoq.

- Inuiattut ullorsiorneq inuiaallu kalaallit ataqqillugit qilaatersortoqarpoq. Uanga isumaqarpunga ilimagalugulu qilaatersortitsisimaneq suliunnaarsitsinermut pissutaasoq, Knud Mølleri oqarpoq.

Ilaasortat marluk suliunnaarsitsinermut akerliusut

Sermitsiaq.AG-mit palasip suliunnaarsinneqarneranut tunngaviusoq biskoppeqarfimmut paasiniarneqarsimagaluarpoq. Biskoppeqarfimmiilli sulisunut ataasiakkaanut tunngatillugu sulianut ingerlasunut oqaaseqartoqarsinnaannginneq innersuussutigineqarsimavoq.

Knud Møllerip oqaatigaa, ilagiit sinniisaat palasip suliunnaarsinneqarneranut sunniuteqarsimanngitsut:

- Suliunnaarsitsinermut sunniuteqarsimanngilagut. Tamannami inassutigisimanngilarput, Knud Mølleri oqarpoq.

Knud Møllerili naapertorlugu, ilagiit sinniisaanni amerlanerussuteqartut palasip qilaamik atuisitsisimanera akuersaarsimanngilaat, naalagiartitsinerullu qanoq ingerlanneqarnissaanut malittarisassanik unioqqutitsinertut isigineqarsimalluni.

Biskoppimut allagaqarniartoq

Knud Møllerip taamaammat oqaatigaa, nammineq ilagiillu sinniisaanni minnerpaamik ilaasortap ataatsip allap naalagiartitsinermi qilaatersortitsisoqarsimanera tapersersorsimallugu, Markus E. Olsenillu suliunnaarsinneqarnera akerlerisimallugu.

- Eqqarsaatigaara allakkatigut biskoppimut naalakkersuisumullu akisussaasumut isummavut saqqummiunniarlugit. Ilisimatinneqarsimanngikkaluartugut manna pisoq nipangiutiinnarneqassanngilaq, Knud Mølleri oqarpoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER