Umiarsuaq ulluni unnuanilu pingasuni ilungersunartuni Kalaallit Nunaata kangimut sineriaata avannaani Nunami Allanngutsaaliukkami Alpefjordimi immap naqqanit maqullummit aamma ujaraaqqanit nusullugu qujanartumik kaanngartinneqarpoq.

Umiarsuarmi takornarianik angallassisartumi Ocean Explorerimi ilaasut 112-it aamma inuttat 94-it ajoqusernatillu nalorninartorsiortinneqanngillat.

Aviisi AG taama allappoq.

Tamakkuli piviusut erseqqissut eqqaassanngikkaanni, ilaasut umiarsuarmiinnerminni  namminnerlu piumasarinngisaminnik nalunaaquttap akunneri 60-it sinnerlugit susinnaannginnerminni qanoq misigerpiarsimanersut, nunarsuarmilu tusagassiivinnit soqutigineqaqalutik inissisimanerat ilisimasaqarfigivallaanngilarput.

Tamannalu – uagut alapernaannerput noqissinnaanngisarput – uani iluarsineqassaaq.

Tassami Australiamiut aamma Amerikamiut tusagassiorfiisa umiarsuarmi ilaasut ilaat attaveqarfiginissaat iluatsissimavaat, umiarsuarmi qanoq misigisimaneq saatassallu sukisaarsaarutissatut ingerlanneqartut oqaluttuaralugit.

Australiami aviisimi ullut tamaasa saqqummersartumi, Sydney Morning Heraldimi sulisup soraarninngortut aappariit, Gina Hill aamma Steven Fraser, attaveqarfigai. Taakku oqaluttuarput neriniartarfik ajunngitsumik ingerlasoq aamma ilaasut ilaatigut piffissaq atorluarlugu inuttat ilisimasassarsiortut oqalugiarnerat tusarnaarsimallugu aamma tamatuma saniatigut allunaasamik qilerseriaaseq ilinniarsimallugu.

- Tamarmik ajunngillat. Annilaangasoqanngilaq. Pakatsinalaaraluarpoq, kisianni nunarsuatta pinnersortaaniippugut. Igalaaq ammaraangatsigu sermip iigartartup eqqaaniinnerput takusarparput, aappariit Sydney Morning Herald-imut aamma The Guardian-imut oqaluttuarput.

Aviisimi AG-mi atuarnerusinnaavutit. Aviisi uani pissarsiariuk:

AG - 20/09-2023

Klik her for at læse