timmisartumik angallanneq

Ilaasut 350-t Avannaani ingerlaqqinnaveertut

Avannaani timmisartukkut angallassineq isikkivilunneranik nalaanneqaqattaarpoq

Ilulissat Lufthavn
Ilulissat Lufthavn er en af de fire lufthavne ramt af dårlig sigtbarhed

Maannakkorpiaq ilaasut 350-it ornitaminnut apuunnissaminnut utaqqipput.

Pingaartumik Avannaa kinguaattooqattaarnernit eqqugaaqqalluni. Air Greenland tusagassiuutinut nalunaarummi taama allappoq.

Tamatuma saniatigut illoqarfiit arlallit isikkivilunneranik eqqugaaqqapput, pujoqarnera nuissallu pukkitsut pissutigalugit.

Pineqartut pingaarnerit tassaapput Aasianni, Ilulissani, Upernavimmi aamma Uummannami mittarfiit.

Illoqarfinni taakkunani kinguaattooqattaarnerit angalanissamut pilersaarutit allat kinguaattoorfiunerannik kinguneqarpoq, ilaatigut pingaartumik Qaanaamut timmisartuussinissanik ajornartorsiortitsillutik.

Pissutaasoq tassaavoq Qaanaamut timmisartuussinernut atatillugu Upernaviup mittarfia periarfissatut atorneqartussaammat.

Ilaasut taama amerlatigisut eqqugaanerannut angallaffiunerpaanerata nalaaniinneranik ilaatigut pissuteqarpoq.

Ilaasunut aaqqiissutissarsiorluni tamaviaarluni sulisoqarpoq, taakku angalanissamut pilersaarummik nutaamik smsikkut nassinneqassapput, imaluunniit inniminniinermut atatillugu oqarasuaatip angallattakkap normuanik tunniussisimanngitsut Air Greenlandimit sianerfigineqassallutik.

Ilaasussat angalanissat pillugit Air Greenlandip nittartagaatigut aamma malinnaasinnaapput.

Powered by Labrador CMS