Ilaasunut immikkut misissuineq
Ataasinngorneq aallarnerfigalugu Akileraartarnermut Aqutsisoqarfimmi Ilanngaaserisut Kangerlussuup Mittarfiani immikkut misissuilerput
Tikittut aallalersullu, angalasut nassataat tigummiaannakkat nassiussallu tamarmik misissuiffigineqassapput.
- Akilereraartarnermut Aqutsisoqarfik siullerpaamik taamak annertutigisumik misissuissaaq. Misissuineq Air Greenland aamma Mittarfeqarfiit suleqatigalugit pilersaarusiorneqarpoq, Immikkoortortami pisortaq Ferdinand Hammeken tusagassiutinut nalunaarummi allappoq.
- Misissuineq taamaattoq kingulliussanngilaq, oqarpoq.
Ilanngaaserineq
Cigaretsit aamma imigassat arlaqartut arsaarinnissutaareerput. Inuit arfineq marluk kropscanning atorlugu misissortereerlutik. Ikiaroornartunik eqqusseriaraluartunik suli siumuisoqanngilaq.
Cigaretsit, imigassat ikiaroornartullu saniatigut nannut, aarrup kiisalu qilalukkat saarnginik annissiniartoqarnersoq misissuisoqarpoq.
Ilanngaaserisut ukioq manna pingasunik ilaneqarnikuupput.
Sulisut amerlanerusut
- Sulisugut amerlanerulernikuupput, maannalu Kangerlussuarmi immikkut ittumik suliaqarneq siunissamut ilinniutaalluarpoq, Ferdinand Hammeken oqarpoq.
Misissuineq Air Greenland, Mittarfeqarfiit aamma Politiit suleqatigalugit pilersaarusiorneqarpoq.