Ilaasoq unitsitaasoq: Nassataani hashi to kilo nassaarineqartoq

Inuk ataaseq nassatamini hashimik to kilomik nassaarinniffigineqarami, tallimanngorpat tunngaviusumik inatsit naapertorlugu killisiorneqassaaq.

Nuup Timmisartoqarfiani akitsuuserisut sisamanngormat annertuumik nassaarsimapput, tassa ilaasup ataatsip nassataani hashimik to kilomik nassaarsimagamik.

- Akitsuuserisunit sisamanngormat nalunaaquttap ataatsip missaani nalunaarfigineqarpugut, Mads Lynge, Kalaallit Nunaanni Politiit pigaartuisa pisortaat oqaluttuarpoq.

Pigaartut pisortaata ilisimatitsissutigaa, akitsuuserisut ilaasunik nunamut tikissimasunik Nuummullu ingerlaqqissimasunik nalinginnaasumik misissuinerminni hashi nassaarisimagaat..

"Sulilluarsimasut"

- Arlaannilluunniit ilisimatinneqarsimanngilagut, taamaammat akitsuuserisut sulilluarsimapput, Mads Lynge oqarpoq.

Ilaasoq tallimanngorpat Sermersuup Eqqartuussiviani tunngaviusumik inatsit naapertorlugu killisiorneqassaaq, tigummigallarneqarnissaanillu piumasaqartoqranissaa ilimanarluni.

Pigaartut pisortaata misissuisoqarnera eqqarsaatigalugu, suliami immikkuualuttut oqaaseqarfigerusunngilai.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS