Skip to main content

Ikummatissat akikillingaatsiarneqartut

Polaroilip ikummatissat ulloq 10. maj aallarnerfigalugu 80 øremik akikillivai.

Akinik appaanermi atuisunut akigitineqartut 2011-miilli aatsaat taamak appasitsigipput. Akinik appaanerup kinguneraa ikummatissat 2014-imi aasakkut akisunerpaaneraniit maannakkut 2,10 koruuninik akikinnerulernerat, Polaroil tusagassiorfinnut nalunaruteqarluni ilisimatitsivoq.

Akinik appaanermi pingaarnertut tunngavigineqarpoq 2021-mut ikummatissanik qularnaarinermi DKK-nngorlugu qularnaakkat akikinnerunerinik, taamaattoqarneranilu ikummatissamik pisinermi akikinnerusumik pisisoqarsinnaasimanera, tamannalu atuisunut iluaqutissanngortinneqarpoq. Akinik allannguineq ikummatissamik USD-nngorlugu pisinermi akikinnerusumik pisisinnaasimanermik tunngaveqarpoq kiisalu USD-ip/DKK-llu naleqarnerulersimaneranik, nukissiuuteqarnermi pisortaq Githa Braks Olsen ilisimatitsivoq.

Katillugit sipaarutissat

Akigititat 80 øremik akikillineqarnerisigut atuisut ukiumut 107 millioner koruunit missaanniittunik sipaaruteqartassapput.

  • Gasolie/diesel: literimut 5,35 kr.-miit 4,55 kr.-mut, avatangiisimut akitsuut literimut 10
    øre ilaareerluni.
  • Petroleum: literimut 5,46 kr.-miit 4,66 kr.-mut, avatangiisimut akitsuut literimut 10 øre
    ilaareerluni.
  • Benzin: literimut 5,20 kr.-miit 4,40 kr.-mut, avatangiisimut akitsuut literimut 10 øre
    ilaareerluni.

Danmarkimi akititanut sanilliutissagaanni Kalaallit Nunaanni atuisut nuannaarutissaqarluarput. Danmarkimi benzinamut akigititat 2021-mi liiterimut 1,50 koruuninik qaffassimapput. Kalaallit Nunaannut sanilliullugu Danmarkimi akigittat ullormiit ullormut allanngorarsinnaapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER