Skip to main content

Ikuallaavissap inissisimaffissaa akerlerineqaqisoq allanngortinneqarsinnaavoq

Nuummi qeqertami (Fyrø) ikuallaavissap inissinneqarnissaanik pilersaarut allanngortinneqarsinnaavoq.

Nuummi suliffeqarfiit arlallit tusarniaanermut akissuteqaamminni isornartorsiorsimavaat, ikuallaavissap nutaap Nuup eqqaani qeqertami. atlantikukkoortaatinut umiarsualiviup suliffeqarfiillu inuussutissalerisut eqqaannut inissinniarneqarnera.

Ilanngutassiaq atuaruk: Ikuallaavissap inissisimaffissaa isornartorsiorneqangaatsiartoq

Maannali paasinarsivoq, ukiuni kingullerni ingerlatsinissamut pilersaarut allanngortinneqarsimasoq, ikuallaavissap inissisimaffissaanut tunngavigineqarsimasoq maanna allanngorluinnarsimagami.

Tunngavigineqartoq allanngorsimasoq

- Ukiut pingasut matuma siornatigut naatsorsuutigisimavarput, assersuutigalugu Paamiuniit Kujataaniillu eqqakkat Nuummi ikuallaavissamut ingerlanneqartassasut. Tamannalu tunngavigalugu Nuummi qeqerta inissiiffissatut piukkunneqarsimalluni, eqqagassalerivimmi Esani A/S-imi pisortaq Frnak Rasmussen Sermitsiaq.AG-mut oqarpoq.

- Ukiunili kingullerni Nuummi eqqakkat amerlisimaqaat, tassa illoqarfiit pingaarnersaani eqqakkat Kalaallit Nunaanni eqqakkat 44 procentiinik amerlassuseqalersimallutik. Tamatuma kinguneranik ikuallaavissaq Nuummit eqqagaannarnik suliaqalertussaavoq, Frank Rasmussen nassuiaavoq.

- Taamaalillu ikuallaavissap qeqertamiinnissaa pisariaqassanngitsoq, Frank Rasmussen ikuallaavissap illoqarfiit pingaarnersaata suatungaanut inissinneqassanersoq pillugu politikkerit inaarutaasumik aalajangiisuusussaasut erseqqissaasoq oqarpoq.

Ikuallaaviit nutaat marluk

Pilersaarutit malillugit Nuummi ikuallaavissaq nutaaq 2024-mi atuutileriaanngorlugu piareertussaavoq, Sisimiunilu ikuallaavissaq 2022/23-mi atuutilertussaalluni.

Frank Rasmussenimit oqaatigineqarpoq, kommunit ataatsimoorlutik eqqagassaleriviata Esani A/S-ip, tungnaviit allanngorsimagaluartut Nuummi umiarsualivik suli pisariaqartissagaa. Kisianni aallaqqaammut pilersaarutaasimasutut pinnani.

- Assersuutigalugu Sisimiuni ikuallaavissaq misissorneqartussanngorpat, misissuinerup nalaani Nuummi ikuallaavik Sisimiuni eqqakkanik tigooraasussanngortinneqarsinnaavoq. Taamatut pisoqarnerani eqqakkat umiarsualivimmiit illoqarfimmi ikuallaaviup inissisimaffianut nutaamut assartorneqaannartussaapput, Frank Rasmussen nassuiaavoq.

Aamma assersuutigalugu saviminikut illoqarfinnit allaneersut katersorneqariarlutik nunani allanit suliarisassanngorlugit nassiunneqartassapput.

Ungasissumit kiassarneqarneq

Nukissiorfiit Esani A/S-illu decembarip 22-ani nalunaarutigaat, ikuallaavinnit marluusunit kissarneq ungasissumit kiassaanermut atorneqartussanngorlugu isumaqatigiissuteqartoqarsimasoq.

Utoqqaat ukiortaarsiortinneqartut
Pisarneq malillugu Tasiilami Najukkami Ataatsimiititaliap aaqqissuussaanik illoqarfiup utoqqartaat ukiortaarsiortinneqarput.
Harald pulaarpoq
Borgmesterip tullersortaata aappaa, Harald Bianco, Tasiilami ikiorsiisarnermut aaqqiissutit assigiinngitsut ulluni makkunani alakkallattaavai.
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER