Skip to main content

Ikkap qinnguani napasut tupinnartut misissorneqartut

Issittumi Sakkutooqarfik kangerluup Ikkap qinnguani napasunik Ikait-ip napasuinik taaneqartartunik misissuinermi ikiuussimavoq.

AG-p allaaserisaa naapertorlugu Sakkutooqarfik Facebookimi quppernermini taama paasissutissiivoq.

- Juunimi ulluni marlunni aqqartartut umiarsuaq alapernaarsuut Hvidbjørnen atorlugu tassani arlaleriarlutik aqqartarput napasunit misissugassanik tigooraallutik, imaanik misissugassanik tigooraallutik kangerluullu kissassusia uuttortarlugu. Soorunami Namminersorlutik Oqartussanit akuerineqarluni, sukat eqqissisimatitaammata. Napasut nalissaqanngilluinnartuupput. Taamaallaat Kalaallit Nunaanni takussaapput taamaallallu immap kissassusia 10 gradi angullugu atasinnaallutik. Aasaq manna misissuinikkut napasut »peqqissusiat« qanorlu innersut misissorneqarput.

Issittumi Sakkutooqarfiup aamma ilisimatuut Facebookimi quppernermini oqaaseqartippai.

Imaq kissarnerusoq

- Suut tamarmik ilimanarsisippaat imaq 1990-ikkorninngarnit gradinik arlalinnik kissarnerulersimasoq. Mineralinik misissuinerit maanna takutissavaat napasut suli mineralimik ikait-imik akoqarnersut. Immap iluani napasuliat tupinnartut sapinngisarput tamaat attatiinnarusuppavut. Ukioq manna sulineq tamatumunnga ilapittuutaassaaq, imaani uumassuseeqarnermut biologi oqarpoq.

Kangerlummi napasut, assigiinngitsunik ilusillit angissusillillu, tuusintit missaanniipput. Ukiumut meterip affaata missaanik allisarput anginerpaaffissartik tikillugu, anginerpaaffigisinnaasaallu 10 aamma 22 meterit akornanniippoq. Uuttortaanerit takutippaat kangerlummi immap qaavanit meterinik marlunnik itissusilimmut anngullutillu alliartorunnaartartut.

Aviisi AG aamma atuarik, taanna uani ataani isissutissarsiffigisinnaavat:

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER