Ikiuiniaqatigiiffiit atugarliortut nerisassaqartinneqarnissaannik upalungaarsimanissamullu pilersaaruteqartoqarnissaanik ujartuipput
Ikiuiniaqatigiiffiitt inuillu namminneq piumassutsiminnik ikiuisartut atugarliortut coronap ajornartorsiutaanerani nerisassaqarnissaat isumagisarpaat, maannali kommuni Namminersorlutillu Oqartussat aamma ikiuunnissaat ujartorlugu.
Nuummi innuttaasut atugarliortut coronap ajornartorsiutaaneranit eqqugaaqqapput, unnuisarfiit ornittakkallu nalinginnaasumik isersimaartarfigisartagaat coronap tuniluussinnaaneranik annilaanngateqarneq pissutigalugu matoqqatinneqarmata.
Maanna ikiuiniaqatigiiffiit pingasuusut, NoINI-p, Frelsens Hærip aammaKofoeds Skolep, angerlarsimaffeqaratik atugarliortut mattussaaqqaffissaannik pisortat ikiuunnissaannik ujartuilerput.
Qulequtsiussaq: Coronap ajornartorsiutaanerani inuttut atugarliortunut upalungaarsimasoqanngilaq, ikiuiniaqatigiiffiit nassuiaatigaat maanna ikiorsissuteqartarneq pisortanit peqataaffigineqanngitsoq:
Pisortat isumaginnittalissappat?
- Kofoeds Skolep Frelsens Hæri suleqatigalugu ullaakkorsiutissat ullup qeqqasiutissallu isumagisarpaat, ullullu tamaasa agguaassiniarlutik angalaartarlutik. Pingasunngorneq martsip 25-at aallarnerfigalugu, nammineq piumassutsiminnik ikiuuttartut aqqutigalugit neqerooruteqalersimavoq, tassani Frelsens Hærip inaataanit H.J. Rinksvej 47-miittup silataanit nerisassat agguaanneqartarput. Restaurant Charoen Pornimit sapaatip akunneranut marlunnut nerisassat tunniunneqarsimapput, ikiuiniaqatigiiffiit allapput, nangillutillu:
- Apeqqutigineqarsinnaavoq, nunami atugarissaarfiusumi politikkerit pisortallu avaqqullugit taamatut aaqqiissuteqartoqarniarnersoq? Påskelernissaata tungaanut ingerlarsussaagut, tamannaili ingerlatiinnassavarput imaluunniit pisortat tamatumannga ingerlataqalissappat?
Arlaammi napparsimalissagaluarpat, taava?
Kofoeds Skole Kommuneqarfik Sermersuumit aningaasatigut tapiissutisisarpoq, tamanna pisortanit ikiorsiissutaannginnami?
- Aap, taamatut oqartoqarsinnaavoq, maannali pisoq immikkut illuinnartumik iliuuseqarfigineqatariaqarpoq. Kofoeds Skolimmi ulluinnarni neqeroorutigisartagai killlersuisoqarnera pissutigalugu matoqqatinneqarput, assersuutigalugulu nerisassanik agguaassiinnartarnissamut qanoq piginnaatinneqarpat? Suliniutigisanut taakkununnga tunngatillugit aamma akissutissarsitinneqanngitsunik apeqqutissarpassuaqarput, Steven Arnfjord ikiuiniaqatigiiffiit taakku pingasut sinnerlugit oqarpoq.
Tallimanngormat ualikkut angerlarsimaffeqanngitsut siulliit tupeqarfinnut iserterput, tupit Kommuneqarfik Sermersuumit pilersinneqarput. Suliniutigineqartoq tamanna pitsaasuuvoq, ikiuiniaqatigiiffiit allapput, oqatigalugulu suli naammassivittoqanngitsoq.
- Iliuuserisaq kusanarluinnarpoq, sulili pilersaarummik amigaateqarpugut. Assersuutigalugumi angerlarsimaffeqanngitsut ilaat napparsimalissagaluarpata mattunneqartariaqalerlutillu, taava qanoq iliortoqassava, Steven Arnfjord aperivoq. Taassuma anngilaanngatigaa, ataaseq tunillatsissimariarpat angerlarsimaffeqanngitsut akornanni sukkasuumik tuniluuttoqalersinnaanera.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...