Kalaallit Røde Korsiat
Ikiortissarsiorput
Ukiumut 1 million koruuninik kaaviiaartitsisoq nuannarineqarnerujartortorlu Nuummi Kalaallit Røde Korsiat atornikuerniarfimmi ikiortissamik amigaataqarpoq
- Qangarnisanik pisiniarneq ileqquulersimavoq tamannalu atornikuerniarfitsinni malugaarput. Containeriuterput ulikkaartuaannarpoq niuertarfimmilu ammanitsinni uninngisaannarluta, Aase Nygaard oqaluttuarpoq.
Nuummi atornikuerniarfik sisamanngornikkut, tallimanngornikkut arfininngornikkullu ammasarpoq pisinianillu ulikkaartarluni, aammali piumassutsiminik sulisussanik amigaateqarput.
- Malinnaasinnaanngingajappugut niuertarfimmilu niuertitsisussanik piumassutsiminnik sulisunik amigaateqarpugut. Inuit piitsut kisimik atornikunik pisiniartarnerat eqqunngilaq. Qaffasissumik naalakkersuinermik suliallit, inuussutissarsiortut ilami inuiaqatigiinni kikkulluunniit takusarpavut, tassanilu uppernarsineqarpoq atornikunik pisiniartarneq atugaaleriartortoq, Aase Nygaard oqaluttuarpoq.
- Ukiut 23-t matuma siornagut ammaratta takorloorsimanngisaannarpara niuertarfitsinni atornikut taama soqutigineqartiginissaat. Oqarsinnaavungalu suli soqutigineqarnerujartortugut, oqaluttuarpoq.
Allaaserineqartoq Nuuk Ugeavisimi tamaat atuarneqarsinnaavoq. Nuummi pisut aviisimi aamma atuarneqarsinnaapput. Aviisi akeqanngitsumik ataani aaneqarsinnaavoq: