Skip to main content

Ikiorsissaq: Terissat imatut akiorsinnaavatit

Terissat putuaqqatigut millimeterinik ammanilitsigut puttussinnaapput kinguaassiulertortaqalutillu

Sisimiuni teriarpassuaqarpoq. Terissat qanoq akiorneqarsinnaanerat pillugu ilitsersuummik A/S Inissiaateqarfik Ini nittartakkaminut ikkussivoq ilaatigullu oqaluttuaralugu tupinnaannartumik terissat putuaqqatigut isersinnaasarnerat.

Teriaq qallunaatut husmusimik taaneqartartut putuaqqatigut 7 mm-inik angissusilitsigut tassa kuglepenip aqerluusalluunniit sileqataatigut isersinnaapput. Taamaammat terianissimaganni putut milissornissaat pingaarpoq.

Piararpassuaqarput
Periuserli taanna pitsaanngequteqartoq Ini nalunaarpoq. Tassami silaannarissarfiit milissoraanni oqoqalersinnaammat..

Teriaq alla nunatsinni takussaasartoq tassaavoq halsbåndmus. Pullatini immussuaq titartakkanik filmiliani ajornanngippasittaqisoq inassutigineqanngilaq tassamigooq seqquluttuaqqat qaqqortarissallu imaat pitsassuupput terissanut narajarissallugit. Immussuaq nutaatilluni ajunngilaq pisoqalillunili paneraangami sunniutaaruttarluni.

Nerisassanik ilioqqaasarneq aamma pingaaruteqarpoq. Nerisassanngoq saviminernut poorlugit pitsaanerusarpoq terissanik ussangarfiusussaajunnaarlugit.

Terissat husmusit ukiumut tallimarianngikkunik arfinileriarlutik piaqqisarput tamatigullu sisamaniit arfineq pingasut tungaannut amerlassusilinnik piaqqisarlutik.

Ujaasineq: Terianissimagussi tusarliukkusullugillu uunga allassinnaavutit: redaktion@sermitsiaq.ag

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER