ikiorsiissutit
Ikiorsiissutit sukateriffigineqarnissaat Atassummit neriuutigineqartoq
- Pisortanit ikiorsiisarneq Naalakkersuisut qanoq allannguiffiginissaanut siunnerfeqarpat, Mala Høy Kúko (A) Naalakkersuisunut apeqquteqarpoq.
Illuatungiliuttut Atassut kissaatigaa, pisortanit ikiorsiissutit allanngortinneqarnissaat,.
- Partiitsinnit isumarput tassaavoq Pisortanit ikiorsiissutinik tunisisarneq arlalitsigut putoqartiterpallaarnera tunngavigalugu atornerlunneqartarnera sulisinnaassuseqartunit ersarippallaartoq, Mala Høy Kúko (A) Naalakkersuisunut apeqquteqarpoq.
Taamaammat taassuma paaserusuppaa, Naalakkersuisut tassungarpiaq atatillugu iluarsaaqqinnissamik pilersaaruteqarnersut.
Tamat pisariaqartinneqartut
- Nunatsinni pisuussutitut pingaarnerpaaq tassaavoq inuk sulilluartoq, qujanartuuvorlu sullarissorpassuarnik innuttaaqateqaratta. Tassami namminiilivinnissap tungaanut ingerlavissatsinnik ilusilersuileruttorpugut sulisinnaasullu tamaasa nunatta atorfissaqartippai, taanna apeqquteqaamminut tunngavilersuivoq.
Taamaammat Mala Høy Kúkop tusaqarnissani pissagatingaa, Naalakkersuisuit qanoq pisortat ikiosiissutaannik sukateriniarnersut.
- Atassut-miit iluarisimaakkatsinnik Naalakkersuisut isumaqatigiissutaanni imatut allaqqasoqarpoq: Inuiaqatigiit aaqqissuussaanerat patajaannerusunngortinniarlugu iluarsaaqqinnerit assigiinngitsut ingerlanneqarnissaat partiit naalakkersuisooqatigiilersut isumaqatigiissutigaat. Inuiaqatigiinni aaqqissugaanitsinni annertuumik ajornartorsiuteqarpugut, taakkulu isumaginninnikkut ikiorsiissuteqartarnermi, akileraartarnermi, ineqarnermi inuussutissarsiornermilu iluarsartuusseqqinnertigut aaqqiivigineqarnissaat siunnerfilimmik sulissutigineqassaaq, Atassummeersoq oqarpoq.