Ikiaroornartumik suliaq: Unnerluutigineqartup illersuisuni taarserai
Suliamik inuit arfineq-marluk ikiaroornartumik hashimik anngiortumik eqqussuisimasutut unnerluunneqarfigisimasaannik nangitassanngortitsineq aasaru Nunatta Eqqartuussisuuneqarfiani suliarineqassaaq. Unnerluutigineqartut tamarmik illersuisunik nutaanik, tamarmik Danmarkimeersunik, toqqaasimapput
Eqqartuussisoqarfimmit Sermersuumit suliamik ingerlateqqitamik Nunatta Eqqartuussisuuneqarfiata qaqugu suliarinninnissaa maanna ullulerneqarpoq. Suliami tassani inuit arfineq-marluk ikiaroornartumik hashimik 63 kiilut missaanniittumik anngiortumik eqqussuisimasutut pineqaatissinneqarput. Arfineq-marluk taakku tamarmik eqqartuussutigineqartunik ingerlatitseqqipput.
Aviisi AG allappoq.
Eqqartuussisuuneq Kirsten Thomassen AG-mut paasissutissiilluni oqarpoq, suliaq nangitassanngortinneqartoq aasaru suliarineqartussatut piffissalerneqartoq sapaatip-akunnerinilu 26-mi aamma 27-mi kiisalu 31-mi 32-milu, tassa juunip naalernerani aamma juulip naalernerani, suliarineqarumaartoq.
Unnerluutigineqartut arfineq-marluusut tamarmik, angutit arfinillit arnarlu ataaseq, eqqartuussisoqarfimmi illersuisorisaminnik eqqartuussissuserisumik Danmarkimeersumik taarsiiniarlutik aalajangersimasut AG allappoq.
Allaaserineqartoq aviisimi AG-mi, aqagu saqqummertussami, tamakkiisumik atuarneqarsinnaavoq. Aviisi uani pisiarineqarsinnaalereerpoq: