Ikaartarfik nutaaq aqqusinermik matusinermik kinguneqarsinnaasoq
Nutaamik ikaartartarfeqalernermi sapusiaqalernermilu aqqusinikkut angallanneq annertuumik allanngorsinnaavoq, illoqarfiit pingaarnersaata kommunia aqqusinermi aaqqiissuteqartariaqalissalluni, tamannalu aqqusinermik matusinermik kinguneqarsinnaavoq.
Aqqusineq ikaartarfik nutaaq aamma sapusiaq, siunissami Nuummi aqqusinermi angallannermut annertuumik sunniuteqarnissaa ilimanarluinnarpoq. Angallaffiusut ilaat – T-krydsi sullorsuup eqqaaniittoq – kommunip immikkut maluginiarpaa.
Puttasut eqqaanni angallaffiusoq biilerpassuarnit uninngaffiusartoq sullorsuup eqqaaniittoq ukiorpassuarni angallannermi unammillernartoqarpoq. Sullorsuarmit 150 meterit missaat biilinit uninngaffigineqaqqusaanngilaq, kisianni biilertut uninngaffigineqaqqusaannginneranik ataqqinnittannginnerat takussaavoq.
Aqqusernup naaffissaa periarfissaasoq
Aqqusinermi angallanneq ajornartorsiortitsilissappat, umiatsialiviup eqqaani aqqusineq sullorsuup naaffiata eqqannguani aqqusineq kommunip matullugu aaqqiissuteqarsinnaavoq.
Tamatuma kingunerissavaa, Nuussuarmi najugaqartut illoqarfiup tungaanut allanik aqqutissarsiornissaat, maanna aqqusineq isuani annivissaarutissammat.
- Periarfissat arlallit isumaliutersuutiginikuuagut, Nuussuarmit aqqutip matuneqarnissaa tassani annersaalluni. Ikaartarfik ammarpat qanoq pisoqarumaarnersoq maanna takussavarput. Biilertut aqqusernit sorliit ingerlaffigissallugit aalajangerumaarnersut siulittuutigisinnaanngilarput, Bilo Stigsen, Sermitsiaq.AG-mut taama oqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...