Skip to main content

Igimami najugalik: Misigisaq ersinarpoq

Frida Mathiesenip ernini marluk arfininngornermi unnukkut kisimeeqatigigai inissiaqarfiata Nuup ilaani Qinngorpumi Igimaq 8-ip iigaa silarleq anorimit sakkortuumit katatsinneqarpoq.

Nuummi arfininngornermi unnukkut sakkortuumik anorlernerani, ingasammik Qinngorpumi, inissiaqarfiup, Agerskov Consultingimit Illuut A/S sinnerlugu ingerlanneqartup, Igimaq 8-ip iigaa silarleq anorimit katagartinneqarpoq. 

Anorip sakkortuup Igimaq 8-imi iikkap silarliup pladitai katagartilermagit Frida Mathiesenip ernini nukarleq marlunnik ukiulik inimi kisimeeqatigaa, ernera angajulleq arfinilinnik ukiulik sinittarfimmi, silataani iigaa anorimit katagartinneqalersumi, sinittoq.

- Misigisaq ersinarpoq. Ingasammik anori sakkortutseqqimmat, Frida Mathiassen Sermitsiaq.AG-mut oqaluttuarpoq.

Attartortitsisunit suli ilisimatinneqanngillat

Frida Mathiesen Sermitsiaq.AG-mut oqaluttuarpoq ernini angajulleq tupalluni itersimasoq iikkap pladitai silarliit anorimit katagartinneqalermata.

- Qujanartumik ulapalungaarsimasut takkutipallapput nivingasullu piiarlugit, oqaluttuarpoq.

Frida Mathiesenip oqaluttuaraa unnuaq sinnarlussimalluni aamma Agerskov Consultingimit pisoq pillugu suli attavigineqarsimanatik.

- Agerskov Consultingimit suli attavigineqanngilagut. Tamanna amigaatigaara. Naluarpummi maanna susoqarniarnersoq, oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER