Skip to main content

Iggavimmiut nutaat pingasut nersualaarneqartut

Inuilimi Narsamiittumi ilinniartut inuusuttut pingasut allagartartaarput. Taakkua catering- aamma kantineassistentitut taaguuteqalerput

Inuussutissalerinermik ilinniarfimmi Inuilimi Narsamiittumi inuusuttut pingasut tallimanngornermi maajip 17-iani ualikkut Catering- aamma Kantineassistentitut allagartartaarput. Ilinniagaq siornatigut Cafeteria aamma kantineassistentitut taaguuteqaraluarpoq.
Taakkua saamerlerniit tassaapput Judithe Kleemann, Maniitsoq. Dagmar Silassen, Nuuk, aamma Lars-Brian Lynge, Ilulissat.

Tamannali soorlu naammanngitsoq. Angusaat ima pitsaatigipput Judithe Kleemannip allagartartaava nersualaarinnissutaasumik oqaaseqaateqartoqarluni. Dagmar Silassen angusani pillugit bronzemik saqqarmiunnappoq, Lars-Brian Lyngelu angusarissaarluarnerminut sølvimik saqqarmiunnalluni.

Ilinniagaq ukiunik marlunnik affarmillu sivisussuseqartoq sisamariarluni Inuilimi ilinniarfimmiinnertalik piffissallu sinnerani sungiusaammik sulinertalik iggavinni nerisarfinnilu aqutsisutut sulinissamut neriniartarfinnilu ikiortitut sulinissamut piginnaassuseqalersitsisuuvoq.

Lars-Brian oqaluttuarpoq, Royal Greenlandip Ilulissani nerisarfiani sungiusaammik sulisimalluni, ilinniagaqareernerminili suli aalajangersimasumik suliffissarsisimanani. Piukkunnaateqarluaraluarpoq, siornatigut igasutut ukiut pingasut affaatalu missaanni ilinniartuusimagami. Taanna Sermitsiaq.AG-mut oqaluttuarpoq, ilinniarnini tassanngaannaq kipitinneqarsimasoq, neriniartarfik sungiusaammik suliffigisani tunineqarmat, namminerlu sungiusaammik suliffissamik allamik nassaarsinnaasimannginnami.

Dagmar Silassen Nuummi Café Mikimi sungiusaammik sulisimavoq. Taanna aamma suli aalajangersimasumik suliffissarsinngilaq.

Judithe Kleemann Maniitsumi kommunip allaffiata nerisarfiani sungiusaammik sulisimavoq. Tassani aqutsisumut qaammammi ataatsimi maanna taartaagallartussanngorpoq.
Kisianni pilersaaruteqarpoq. Qalipaasutut ilinniakkami ukiup ataatsip missaanik amigaateqarpoq, taannalu aappaagumiit ingerlanniarlugu pilersaaruteqarluni.
Piffissallu ingerlanerani qalipaasutut sulilissanersoq imaluunniit nerisarfimmi sulilissanersoq paasinarsiumaarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER