ilinniagaqarneq
Igasunngortoq
Hotel Hans Egedemi igasutut ilinniakkaminik naammassinnittoqaqqippoq
Nivi Sandgreen Lund igasutut ilinniakkaminik Hotel Hans Egedemi tallimanngormat naammassinnippoq. Tamanna alianaatsumik ilasseqatigiittoqarneratigut malunnartinneqarpoq, akunnittarfimmi Nivi ilinniakkaminillu naammassinninnera nalliuttorsiutigineqarmata.
Tamatumanilu akunnittarfiup pisortaa Jørgen S. Bay Kastrup iggaviullu pisortaa Bjørn Johansson aamma peqataapput.
Nivi Sandgreen Lund igasutut juunip 1-ani 2010-mi ilinnialerpoq. Ilinniakkani 31.10.2011-miit 2. september 2013-ip tungaanut uninngatikkallariarlugu nangippaa.
Nivi Sandgreen Lund Nuummeersuuvoq, angalanermillu nuannarisaqarluartuulluni, Hotel Hans Egede tusagassiorfinnut nalunaarummi paasissutissiivoq.
Nivi Sandgreen Lund 26-nik ukioqarpoq, 1988-imi inunngorluni, kiisalu Qaqortumi, Qasigiannguani Nuummilu peroriartorsimalluni.
Igasut periarfissanik assigiinngitsunik misiliinialersoq, ilaqutaanit ilisimatitsissutigineqarpoq.