mianersoqqussut

Iffianik gluteniiakkanik tuniniaaqqusiunnaarneq

Iffiani toqqissuni aamma bruschettani qajuusat gluteniiakkat

Brugsen, Nuuk
Inuussutissalerinermut Oqartussaqarfik iffiukkanut "glutenfri"-mik nalunaaqutserneqarsimasunut kisiannili hvedemelitalinnut hvedemaltitalinnullu atatillugu mianersoqqusivoq. Tunisassiat Brugsenimi Brugseneeqqamilu nioqqutigineqarsimapput.

Tamaco Food A/S-ip bruschetta oreganotallit aamma Italiamiut iffiaataat toqqissut rosmarinitallit nioqqutigeqqujunnaarpai, iffiat "glutenfri"-nik nalunaaqutsersimaneri pissutigalugu, kisiannili qajuusartaqarlutillu hvedemaltitaqarput.

Tunisassiat Brugsenimi Brugseneeqqamilu nioqqutigineqarsimapput. Taama Uumasunut Nakorsaqarnermut Inuussutissalerinermullu Oqartussaqarfik (UNIO) ilisimatitsivoq.

Tuniniaaqqusiunnaarnermut pissutaasoq tassaavoq iffiat kukkunikkut "glutenfri"-nik nalunaaqutsersorneqarsimanerat, kisianni nioqqutissat suussusiligaanerani takuneqarsinnaalluni, qajuusartaqarlutillu hvedemaltitaqartut. Taamaattumik inunnit glutenimik sapigalinnit nerineqarunik taakkua napparsimalersinnaapput, Uumasunut Nakorsaqarnermut Inuussutissalerinermullu Oqartussaqarfik naliliivoq, ilisimatitsillunnilu iffiat ajoquteqanngitsut, kisianni inunnit glutenimik sapigalinnit nerineqaratarsinnaanerat pinngitsoortinniarlugu igiinnarneqartariaqartut imaluunniit pisiniarfimmut pisiarineqarfigisimasaminnut utertinneqartariaqartut.

Pineqartut tassaapput Bruschetta oreganolik, 150 gram, Italiensk fladbrød med rosmarin, 150 gram, "glutenfri"-nik nalunaaqutsersimasut, Uumasunut Nakorsaqarnermut Inuussutissalerinermullu Oqartussaqarfik nalunaarpoq.

Powered by Labrador CMS