Skip to main content

Ida eqqaaniarlugu tusarnaatitsisaqattaartut

Ida Heinrichiugaluup erinarsoqatigisartagarisimasaa Josef Lund Josefsen, Islandimiu sopranitut erinarsortartoq Halldóra Ósk Helgadottir peqatigalugu,Ida Heinrichimut februaarimi toqukkumut qimaguttumut eqqaaniutitut Danmarkimi juullisiutinik tusarnaartitsisaqattaarluni angalavoq

Tenorip Josef Josefsenip mezzosoprani Ida Heinrich Kalaallit Nunaanni Danmarkimilu arlalippassuariarluni tusarnaartitseqatigisarsimavaa.

Ida Heinrichili kræftimik sivisuumik nappaateqareerluni ukioq manna februaarip 15-iani toqukkut qimaguppoq.

Jesper Hansen

Josef Josefsen eqqaaniaalluni maanna tusarnaartitsisaqattaarluni angalalerpoq, Islandimiu soprani Halldóra Ósk Helgadottir noqartilissortartorlu Søren Johannsen peqatigalugit.

Tusarnaartitsineq siulleq Aalborgimi Kalaallit Illuanni ingerlanneqarmat inunnik ulikkaarluinnarpoq.

Tusarnaartitsinermut akunnerup ataatsip missaanik sivisussuseqartumut kalaallit Jyllandillu Avannaani kalaallinut attuumassuteqartuneersut 100-t missaanniittut takkussimapput.  

Minutsimi ataatsimi nipaallisimaneq

Josef Josefsen tusarnaartitsineq aallarnerlugu Ida Heinrich, suleqataalluarnermi saniatigut ikinngutaalluartoq, pillugu eqqaaniutinik oqaaseqarpoq.

Tamatuma kinguninnguatigut takkussimasut Ida eqqaaniarlugu minutsimi ataatsimi nipaallisimapput.

Erinarsortartut kalaallisut juullisiutinik Europamiullu erinniarsuarnik erinarsugassiarsuinik ilaatigut Ave Mariamik Flagermusenimilu latterariemik aliikkutaalluartumik tusarnaartitsipput.

Jesper Hansen

Alutorsarluartut

Tusarnaariat naammagisimaarinnilluarsimagunarput. Ersaartaannersuaqarpoq alutorsarluartoqarlunilu, taamaalillutillu tusarnaariat igajartorlutik juullimullu piareersariartorlutik eqqissillutik angerlaqqissinnaanngorlutik.

Eqqaaniaalluni tusarnaartitsineq Danmarkimi Helgadottirip, Josefsenip aamma Johannsenip tusarnaartitsiartorlutik angalanerisa aallarniutigaat. Pingasunngorpat Odensemi tusarnaartitsisoqassaaq aqaguanilu Københavnimi marloriarluni tusarnaartitsisoqassalluni.

Søren Johannsen, Josef Josefsen og Halldóra Ósk Helgadottir
Jesper Hansen
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER