Icelandair pingaarutilimmik isumaqatigiissuteqarpoq
Timmisartuutileqartigiiffiup Icelandairip sulisuinut akissarsiaannut isumaqatigiissut atsiorneqarpoq, taanna septembarip 30-ani 2025-ip tungaanut atuutissaaq. Sulisut qaammat kingulleq isumaqatigiissummik atsiorusunngikkaluarput
Icelandairip ataannarnissaanut qulakkeerutaasumik isumaqatigiittoqarpoq, tassami timmisartuutileqatigiiffiup sulisuinut akissarsianut isumaqatigiissummik isumaqatigiittoqarpoq. Timmisartuutileqatigiiffik coronavirusertoqarneranut atatillugu eqqugaanerluppoq, taamaammat una isumaqatigiissut ingerlariaqqinnissamut iluaqutaassaaq.
Icelandairip sulisui tusagassiutinut nalunaarummi ima allapput:
- Anguniakkat naapertorlugit isumaqatigiissusiortoqarpoq, isumaqatigiissut suliffeqarfimmut aamma sulisunut nammaqatigiittumik isumaqatigiittoqarluni.
Timmisartuutileqatigiiffiup ineriartoqqinnissaa qulakkeerneqartoq Icelandair allappoq.
Isumaqatigiittoqarnera nuannaarutigineqarpoq, tassami qaammat kingulleq sulisut akissarsianut tunngatillugu isumaqatigiissut atsiorusunngikkaluarpaat. Sulisut atsiorusunngitsut soraarsinneqassasut ilaatigut timmisartuutileqatigiiffimmit nalunaarutigineqarpoq. Maannali tassa isumaqatigiittoqarpoq, sulisunut akissarsiassat isumaqatigiissutigineqarlutik.