Skip to main content

ICC: Issitttup eqqisseqatigiiffiunera naqissuserneqarli

Naalagaaffiit tallimat tassaasut; Canada, Danmark, Norge, Rusland aamma USA 28. maj 2008-mi isumaqatigiissut atsioramikku, Issittumi akerleriittoqarani ataatsimut akerleriissutaasinnaasut peernissaat anguniarlugu isumaqatigiinniartarnissamik imminnut pisussaaffilernerat nersortariaqartoq Nuka Kleemanip oqalugiarnermini ilanngullugu oqaatigaa

Naalagaaffiit Issittumi Imartallit tallimaasut isumaqatigiissutaata “Ilulissanit Nalunaarut”-ip ukiunik qulinngortorsiornerani ICC Kalaallit Nunaat Ilulissani peqataavoq. 

ICC sinnerlugu nunatsinni siulittaasup tullia Nuka Kleemann peqataavoq nalliuttorsiornerlu malunnartinniarlugu oqaaseqartussanut ilaalluni. ICC Issittumi Siunnersuisooqatigiinni Ataavartumik Peqataasartut ilagivaat tassanilu issittumi nunat inoqqaavisa kattuffii allat tallimat aamma peqataasarput.

ICC-mi Naalagaaffiit Issittumi Imartallit tallimat isumaqatigiissutaat imaannaanngitsuusutut isigaarput, ilami naalagaaffissuit USA-tut Ruslanditullu ittut isumaqatigiissummik atsioqataanermikkut Issittumi eqqissisimanissaq siunertaralugu suleqatigiissinnaanertik takutimmassuk. Naalagaaffiit tallimat tassaasut; Canada, Danmark, Norge, Rusland aamma USA 28. maj 2008-mi isumaqatigiissut atsioramikku, Issittumi akerleriittoqarani ataatsimut akerleriissutaasinnaasut peernissaat anguniarlugu isumaqatigiinniartarnissamik imminnut pisussaaffilernerat nersortariaqartoq Nuka Kleemanip oqalugiarnermini ilanngullugu oqaatigaa.

- Issittup eqqissinissamik siunertaqarluni taamaallaat atorneqarnissaa qangali ICC-p anguniagaraa, taamaattumik Nunarsuup assingani “Issittoq Eqqisseqatigiiffiusoq” naqissuserlugu ataatsimullu suleqatigiissutigalugu anguniassagipput aamma oqaatigaarput, tamannalu Issitumi Siunnersuisooqatigiit aamma Naalagaaffiit Issittumi Imartallit peqatigalugit nunarsuarmioqatigiinnit akueritinnissaa anguniartariaqartoq, Hjalmar Dahl, ICC Kalaallit Nunaata siulittaasua paasissutissiivoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER