Forslag til finanslov 2014

ICC sipaarniarfigineqarpoq

2014-imut aningaasanut inatsisissatut siunnersuummi ICC-mut tapiissutit ikileriarujussuarput. Siulittaasoq tupaqaaq

2014-imut aningaasanut inatsisissatut siunnersuummi ICC-mut tapiissutit ikilineqarput.

Inuit kattuffiannut ICC-mut tapiissutit Naalakkersuisunit annertuumik ikilisinniarneqarput.
Taamatut paasissutissiivoq knr.gl-imi radioaviisi.
Aningaasanut inatsimmit ukiumut tapiissutit 5,4 millioner koruuniniit 1,4 millioner koruuninut ikilisinniarneqarput. Tamanna 2014-imut aningaasanut inatsisissatut siunnersuummi takuneqarsinnaavoq.
ICC-p siulittaasua Aqqaluk Lynge tupaqaaq isumaqarlunilu Kalaallit Nunaat nunani tamalaani suleqatigiinnermi immikkoortitaassasoq Naalakkersuisut pilersaarutertik pimoorutissappassuk.
– Tupaqaagut, uppernarpianngilarlu Kalaallit Nunaata naalkkersuisa, kalaallinik inuiattut sullissiniartup, taamaasilluni nunani tamalaani aammalu Issittumi Siunnersuisoqatigiinni suleqatigiinnermi peqataaneq killilerniarmagu, Aqqaluk Lynge radioaviisimut oqarpoq.
Allaaserisat, Naalakkersuisut 2014-imut aningaasanut inatsisissatut siunnersuutaannut tunngassuteqartut tamaasa atuakkit

Powered by Labrador CMS