ICC Issittumi Siunnersuisoqatigiinni sunniuteqarnerorusuttoq

Issittumi Siunnersuisoqatigiit nunat arfineq-pingasut Issittumi sineriallit qanimut suleqatigiinnissaat qulakkeertarpaat, aamma nunat inoqqaavisa sinniisui arfinillit ukiuni 25-nngortorsiorput. Tassunga atatillugu Kalaallit Nunaanni ICC-p præsidentiata nunat inoqqaavisa siunnersuisoqatigiinni taasisinnaatitaasalernissaat kissaatigaa.

ICC Issittumi nunat inoqqaavi tamaasa sinnerlugit Issittumi Siunnersuisoqatigiinni ataavartumik peqataasarpoq. Siunnersuisoqatigiinni oqaaseqarsinnaatiaaneq, Issittumi nunat inoqqaavisa pisinnaatitaaffii naalagaaffinnut pissaanilissuarnut, soorlu Rsulandimut, USA-mut Norgemullu illersorniarlugit sakkut pingaarnersaraat, siunnersuisoqatigiinni siulittaasoq oqarpoq.

ICC-p ukiuni 25-nngortorsiorneranut atatillugu ICC-mi sinniisuutitat oqaluuserisimavaat, Issittumi Siunnersuisoqatigiit 1996-imi Ottawami pilersinneqarmatali susoqarsimanersoq. Kalaallit Nunaanni ICC-p præsidentiata Hjalmar Dahl ilaatigut isumaqarpoq, nunat inoqqaavi siunersuisoqatigiinni oqaaseqarsinnaatitaasariaqartut.

- Isumaqarpunga isumalimmik peqataatitsineq, issittumiinnaanngitsoq nunarsuarmili
tamarmi nunat inoqqaavisa saqqumilaarfiini pingaaruteqarluinnartoq”, Kalaallit Nunaanni
ICC-mi siulittaasoq Hjalmar Dahl oqarpoq nangillunilu:

- Issittumi Siunnersuisoqatigiinni oqaaseqarsinnaatitaavugut, taasisinnaatitaanatali,
tamannalu ajornartorsiutitut isigaara. Apeqqummi tassani iliuuseqartoqartariaqarpoq.

Vores bidrag skal ikke kun høres

Kalaallilli Nunaanni ICC-p præsidentiata kisimi Issittumi Siunnersuisoqatigiinni taasisinnaatitaaneq kissaatiginngilaa. ICC-mi siulittaasup Dalee Sambo Doroughip erseqqissaassutigaa, naggueqatigiit Inuit naalagaaffinni sisamani siammaqqasut Alaskami, Canadami, Chukotkami (Ruslandimi) aammalu Kalaallillu Nunaanni, Issittumi Siunnersuisoqatigiinni Ministerit ataatsimiinnerini aamma Aalajangiisartut ataatsimiinnerini Inuit nipaat apeqqutini pingaarutilinni oqaluuserinnittoqartillugu apuuttarsimavaat, tamannalu aallaqqaaterpiaaniilli peqataaffigiuarsimallugu.

- Nunarsuup avannaaniittut naggueqatigiit Inuit 180.000-tit sinnerlugit amerlassusillit
Issittumi Siunnersuisooqatigiit ukiuni 25-ni angusarisimasaat nalliuttorsiutigaavut, ICC-mi siulittaasoq Dalee Sambo Dorough oqarpoq, nangaillunilu:

- Ataatsimoorluta ingerlariaqqinnisatsinni neriuutigaarput pilersitseqataaffigisavut
tusaaneqaannaratik Issittumi Siunnersuisooqatigiit sulineranni sunniuteqassasut
isumaliutigineqarlutillu aamma aalajangiisarnerni ersarissunik sunniuteqassasut.

Issittumi Siunnersuisoqatigiit ukiunik 25-inngortorsiornerat Covid-19 pissutigalugu inuit attaveqatigiittarfiisigut sapaatip akunnerata naanerani malunnartinneqassaaq. Innuttaasut https://arctic-council.org/about/timeline/25/ /
https://www.facebook.com/arcticcouncil aqqutigalugit malinnaallutillu ICC-mi præsidentit oqallinnerannut tusarnaarsinnaapput.

Powered by Labrador CMS