Skip to main content

ICC: Inuit pisinnaatitaaffii pillugit sulineq malersorneqaatigissavarput?

Siumumeersup Kristian Jeremiassenip Namminersorlutik Oqartussat ICC-mut tapiisarnerat unitsinneqarnissaat pillugu siunersuutaa ICC-p siulittaasuata oqaaseqarfigaa

Inatsisartunut ilaasortap Kristian Jeremiassenip ICC-mut tapiisarnerit unitsinneqarnissaat akerlilerneqarpoq. IA-meersup Harald Biancop ICC-mut tapiisarnerit marlunngorpat illersorpai.

Namminersorlutik Oqartussat ICC-mut tapiisarnerat ingerlaannartariaqartoq ICC-p siulittaasua Aqqaluk Lynge aamma isumaqarpoq. 

- Siorna KNR-p aningaasassameernera politikerit ilaasa aaqqikkusulerpaat ICC-mut tapiissutaasartut peerlugit taakkununnga atugassatut noqqullugit. Ukioq manna siunnersuuteqartoqarpoq napparsimavimmi unitsinneqarnissaminnut utaqqisut aaqqiiffiginissaannut.

- Inuttut pisinnaatitaaffitsinnik suliaqartuusugut Kristian Jeremiassen misiginneqatigaarput napparsimasorpassuit allat aamma taama pineqartartut assigalugit atugarliortitaasimammat. Allanulli sanilliullugu Inatsisartunut ilaasortaq ima periarfissagissaartigaaq allaat napparsimavimmiissimanini pillugu avoqqaarliunni nunatsinni pisortanut qullerpaanut anngussinnaallugu. Eqqumeequtaali tassa, taassuma malitsigisaanik inuit pisinnaatitaaffii pillugit sulisut siorasaarmagit atorunnaarsikkumallugit. 

ICC: Siunissami eqqueriaannaavoq
- Aningaasatigut inissisimaneq piinnarnani kisianni aamma naggueqatigiit suleqatigiinnerat ulorianartorsiortinneqassaaq nunatsinni oqartussanit malersugaaniarutta. Nuummi 2010-mi ataatsimeersuareernermi nunatta ICC siuttuuffigilerpaa akisussaaffillu taanna julimi 2014-p tungaanut nammattussaavarput, aasamummi ICC Canadami ataatsimeersuartussaavoq.

Aningaasanillu katersiniarneq taama ajornakusoortigisoq neriuppugut ataatsimeersuarnissamut kalaallit ilaanissaannut iluatsitsiumaarluta.

- Kalaallit Nunarput suli namminersortuunngimmat inuiaat kalaallit taamaallaat Naggueqatigiit Inuit FN-imi ilaasortaanerat aqqutigalugu nunarsuarmioqatigiittut suleqataasinnaavugut. Taamatut ICC-p FN-imi  ilaasortaanera naalakkersuisut kikkuugaluarunilluunniit ataqqisassaraat. Nunarsuarmilu isumaqatigiissutit malillugit Nunatsinni naalakkersuisut pisussaapput naggueqatigiit suleqatigiinnerat tapersersussallugu taamaaliunngikkunik nunarsuarmioqatigiit aalajangersagaat  ILO 169 unioqqutissavaat, Aqqaluk Lynge oqarpoq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER