Puisip amia EU-lu
ICC EU-mi sunniuteqaqataarusuttoq
Naggueqatigiit Inuit ukiorpassuarni puisit amii pillugit EU-p politikkiata sunnersimanikuuai. Tamanna aamma EU-p Issittummi Siunnersuisoqatigiinni alaatsinaattunngornissaanut unitsitsisuuvoq
Annonse
Nunatsinni Inuit Issittormiut Kattuffiata siulittaasua Hjalmar Dahl EU-p Brusselimi aaqqissugaanik ataatsimeersuarnermi 2. juni oqalugiassaaq.
- Oqalugiarninni erseqqissaatigisassara tassaavoq EU-p puisit amiinut tunngatillugu politikini allanngortittariaqaraa – EU Issittumi Siunnersuisuisoqatigiinni alaatsinaattunngorniaruni puisit amiisa EU-mi tunisaalernissaat siunertaralugu iluaqutissatsinnik iliuuseqartariaqarpoq alloriaateqarlunilu, Hjalmar Dahl oqarpoq.
- Tassunga atatillugu eqqarsaatigisariaqagaat aamma tassaavoq, taamatut politikeqarnermikkut ajoqusiinerit taarsiissuteqarfiginissaat, Hjalmar Dahl Brusselimi ataatsimeersuarnerup ullumi ataasinngornermi aallartinngilaataani oqarpoq.