Skip to main content
ICC

ICC: Danmark Nunarpullu qaninnerusumik oqaloqatigiittaleqartariaqarput

Danskit naalakkersuisui Namminersorlutillu Oqartussat kajumissaarussuppavut, ilaatigut aalisarnerup tungaatigut assigiinngitsutigut naleqqussaanissaq pillugu qaninnerusumik oqaloqatigiittaleqqullugit, tassanimi aalisarnerup iluani pissutsit allanngoriartornerat malugineqalereermat, ICC-mit oqaatigineqarpoq

Paris-imi COP 21 ingerlanneqalerpat iluatsitsilluarnissaq inatsisitigullu pituttuisumik isumaqatigiissusiortoqarnissaa ICC-mi neriuutigineqarpoq.

- Sammivissarput aalajangerneqarpoq. Nunarsuaq tamakkerlugu agguaqatigiissillugu gradinik sisamanik kiatsinnissaa qanilliartorparput. Taamaattorli aappaagu COP 21-imik taaguuserneqartumi Naalagaaffiit Paris-imi ataatsimeersuarnissaminni inatsisitigut pituttuisumik ataatsimoorussaqarnerminnik takutitsisinnaassasut Naalagaaffiit Peqatigiit Silap Pissusaanut tunngasunik Suleqatigiissitaannit, taamatullu Naalagaaffiit Peqatigiit qullersaannit Ban-Ki-moon-imit suli neriuutigineqarpoq. Tamanna Naalagaaffiit Peqatigiit piareersaataasumik København-imi ataatsimiinneranni ilaatigut oqariartuutigineqarpoq, Kalaallit Nunaanni ICC-mi siulittaasoq Hjalmar Dahl tusagassiutinut nalunaarummi oqarpoq. 

Suleqatigiinnissaq
Danmark aamma Kalaallit Nunaat qaninnerusumik oqaloqatigiittalernissaat ICC-mit siunnersuutigineqarpoq.

- Periarfissaq atorlugu naalagaaffiit kingumut isumaqatigiissinnaassanngippata uagut Issittormiut taakkuinnaangilagut ernumatissaqartussat. Tamassumali pisussap tungaanut danskit naalakkersuisui Namminersorlutillu Oqartussat kajumissaarussuppavut, ilaatigut aalisarnerup tungaatigut assigiinngitsutigut naleqqussaanissaq pillugu qaninnerusumik oqaloqatigiittaleqqullugit, tassanimi aalisarnerup iluani pissutsit allanngoriartornerat malugineqalereermat. Taamatuttaaq nunatsinni aningaasarsiornerup nukittorsarneqarnissaa siunertaralugu attaveqaqatigiinnerup piorsarneqarnissaa pillugu suleqatigiinnissaq piukkunnaateqarluinnarpoq, Hjalmar Dahl oqarpoq, assigiinngitsorpassuarnillu suleqatigiittoqarnissa pillugu taakkartuilluni.

- Taamaattorli immikkut isigisariarpoq pinngortitaq uatsinnut tassaammat nerisassatsinnik aallerfigisarput, tamassumalu tungaatigut immikkut illuinnartumik iliuuseqartoqartariaqarluni. Silap pissusaata allanngoriartorneratigut uumasut allatut nikeralernerat, pisuussutinut uumassusilinnut attuumassuteqarnitta allannguuteqarnera, kiisalu taamaanneratigut suut sunniutaasinnaanersut, assersuutigalugu peqqissutsimut il.il. pillugit siammasissumik qaammarsaasoqarnissaa ICC-mit aamma siunnersuutigineqarpoq. 

Nanooruteriaannaasoq
- Uumasut, nunatta naasui - imartatsinniippata nunamiippataluunniit - taamatullu Issittumi pinngortitap pissusissamisut kaaviiaarnera navianartorsiortinneqarput, uumasuugunimmi imaluunniit naasuugunik silap pissusaata allanngoriartupiloorneranut naleqqussarsinnaanngillat. Imartatsinni sikusarnera navianaateqartumik annikilliartormat allaat nunatsinni uumasoq ilisarnaatigisarput nanoq tammariaannaavoq, Hjalmar Dahl oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER