Skip to main content

IA: Vittus pisuutitassarsiorpoq

IA-p politikkikkut oqaaseqartartua Aqqaluaq B. Egede, Vittus Qujaukitsup Sermitsiami isumaliuutersuummini aningaasanut inatsimmut tunngatillugu IA arlalinni neriorsuutiminik unioqqutitsisoq allattoq, sakkortuumik akissuteqarfigaa.

- Aningaasaqarnermut Naalakkersuisup eqqunngitsumik Inuit Ataqatigiit pillugit suaaruteqarpoq. Tamanna ersiutaaginnarpoq Aningaasaqarnermut Naalakkersuisup ajornartorsioqisup pisuutitassaarunneranik.

 – Aningaasanut inatsisissaq isumaqatiginninniutigaarput, Aningaasaqarnermut Naalakkersuisoq siuttoriniartussaagaluarparput isumaqatigiissitsiniartussatut. Tamanna artorluinnarpaa massakkummi avissaartuutsitsiniartuni siuttutut pissusilersornini ataqqinaatissarinngilaa, IA-politikeri naqissusiivoq.

- Isumaqatiginninniarnerit ingerlasut Inuit Ataqatigiit isumaqatigiissutiminnik qimatsisimanerarlugit oqaatiginninnermini eqqaanngilaa nammineq tunuliaquttani aamma Aningaasanut Naalakkersuisup suliaannik arlalinnik akerliunerat. Oqinnerusimagunarpoq pisuutitassarsiornissaq, tamanna takussutissaavoq akisussaaffimmik tigummiamini ajornartorsiutinik annikinngitsunik artorsaateqarneranut.

Naalakkersuisut aningaasanut inatsimmut 2019-imut tunngatillugu isumaqatigiissutigineqartut akerlerluinnaanik suliaqartut, Aqqaluaq B. Egede isumaqarpoq, aalisarnermut ataatsimiititaliarsuup pilersinneqarnera, KNI-p illoqarfinni annerni unammillernera aamma suliffeqarnermut ilanngaat assersuutitut oqaatigai.

Naaperiarfissarsiortoqassaaq

- Inatsisissatut siunnersuutit Naalakkersuisut qaqitaat Inuit Ataqatigiinniit itigartinneqarsimasutut oqariartorneq aamma eqqunngilaq. Sulimi inatsisissat Ilanngaassivimmut utoqqalinersialinnullu tunngasut inaarlugit suliarineqaqqajanngillat. Taamaattorli partiit amerlanerussuteqarluartut assigalugit, inatsissat pineqartut taamak iskkoqartillugit tapersersimanngilagut ataatsimiitsitaliamili partiit naaperiarfissarsioqatigiikkumanerat peqataaffigalutigu. 

Illuatungiliuttut tatiginarunnaarsarnerinut taarsiullugu IA- politikkikkut oqaaseqartartuata aningaasaqarnermut naalakkersuisoq, ”nukissaqarpalaartumik katersuutsitsiniarpalaartumillu suliassani ingerlannissaat nukissaqarfigeqqullugu” kaammattuuteqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER