Skip to main content

IA: Tusarniaanermi akissutinik isertuussisarneq malittarisassanik unioqqutitsineruvoq

Sofia Geislerip paaserusuppaa, tusarniaanermut akissutit tusarniaanermut tunngatillugu nittartakkamut sooq tamatigut ilanngunneqarneq ajornersut

Sermitsiaq.AG-p allaaserisimasaatut, tusarniaanermut akissutit nittartakkamut tamatigut ilanngunneqarneq ajorput. Tusarniaanerit qulit kingulliit naammassineqarsimasut misissorneranni takuneqarsinnaavoq, marluinnaat ilanngunneqarsimasut.

Tamatuma malitsigisaanik Sofia Geisler (IA) § 37 naapertorlugu apeqquteqarpoq.

- Namminersorlutik Oqartussat pisortatigoortumik nittartagaanniittoq tusarniaanernik saqqummiisarfik høringsportali 2007-imi upernaakkut Inatsisartut aalajangigaat (imm. 56) toqqammavigalugu pilersinneqarsimanersoq Naalakkersuisut uppernarsarsinnaavaat?, Sofia aperivoq

- Aamma Inatsisartut aalajangigaat taannaa toqqammavigalugu Naalakkersuisut peqquneqarsimasut inatsisissatut, nalunaarutissatut il.il. siunnersuutit høringsportalikkut tusarniaassutigineqarneranni aamma ikkunneqartassasut tusarniaanermi akissutit tiguneqarsimasut?

- “Inatsisitigut najoqqutassanik, Kunngip peqqussutaanik, nassuiaatinik il.il. Namminersorlutik Oqartussani avataanullu tusarniaanermut najoqqutassat” august 2018-imeersuni maleruagassat naapertolugit tusarniaanermi akissutit tiguneqartut tiguneqarniariartut høringsportalimut ilinneqartassapput, kingusinnerpaamik ikkunneqartassallutik tusarniaanerup naammassineraniit ulloq suliffik siulleq. Najoqqutassat taakku suli atuuppat​​​​​​​?

Sofia Geislerip taakkua saniatigut paaserusuppaa, tusarniaanermi akissutit nittartakkakkut ikkunneqarlutik tamanit atuarneqarsinnasunngortinneqartarnissaat qulakkeerniarlugu Naalakkersuisut Siulittaasuat Naalakkersuisoqarfinnut ataasiakkaanut piumasaqalersaarnersoq

- Sermitsiami allaaserisami 19. Januar 2020 saqqummersumi atuarneqarsinnaavoq tusarniaanernut akissutit Naalakkersuisut nittartagaanni høringsportalimut tamatigut ikkunneqarneq ajortut​​​​​​​, tunngavilersuutaa taamatut nipeqarpoq.

- Tamanna ajornartorsiutaasoq Inatsisinut Ataatsimiititaliap Naalakkersuisunut kingullermik tikkuarpaa, 2019-mi upernaakkut Inatsisartut ataatsimiinneranni saqqummiussami imm. 109 “Tamanut ammasumik tusarniaanerni ammanerunissap qulakkeerneqarnissaanik Naalakkersuisut peqquneqarnissaannik Inatsisartuni aalajangiiffigisassatut siunnersuut”-mi.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER