Skip to main content

IAPP sinnerlugu aallartitat: – Nipangertinniarluta sioorasaaraluarpaatigut

KNAPK-p Ilulissani immikkoortortaqarfiani siulittaasoq, Aabili Lange aamma peqatigiiffimmi tassani siulersuisuni ilaasortaq, Haansi Ortu Sandgreen, KNAPK-p ataatsimeersuarnissaa sioqqullugu nipangersarneqarsimagaluarnertik avammut saqqummiutissallugu toqqarpaat.

Suna tamarmi pissusissamisut ingerlasimanngilaq, aalisartut piniartullu kattuf­fiat KNAPK Nuummi sapaat 3. oktober ataatsimeersuarmat. Maannami qanorpiaq pisoqarneratigut Henrik Sandgreen uppisinneqarsimanersoq saqqummiunneqarpoq.

KNAPK-p nunatsinni immikkoortortaqarfiisa annersaat, tassalu Ilulissani Aalisartut Piniartullu Peqatigiiffiat (IAPP) sinnerlugu ataatsimeersuaqataasut sakkortuumik akerliliipput pakasaalluni partiimit kattuffimminnut akuliuffigitinnertut taasartik qisuariarfigalugu:

– Ataatsimeersuarnissaq aallartinngitsiartoq ulloq sioqqullugu ataatsimiittunut aggersagaavugut, isumaqaqqaaraluarpugut ataatsimeersuarnissaq sioqqullugu piareer­saataasumik ataatsimiinnersusoq. Ataatsimiiffimmulli iseratta, ingerlaannaq pasit­sappugut arlaannik pissusissamisuunngitsoqartoq. Tassami ataatsimeeqataasut ilaannakuupput ataatsimeersuarnermilu peqataasussat tamarmik ilaanatik. Maluginiakkatta annersaat tassaavoq Henrik Sandgreen ataatsimiinnermi peqataanngitsoq. Ingerlaannaq apeqqutigaarput, iluamilli akineqanngilagut, paarlattuanik siorasaarneqarpugut ataatsimiinneq pillugu avammut oqaluttuassagutta tutsuiginassuserput assut innarlerneqassasoq. Taamaattorli anisitaannginnitsinni ilisimatinneqarpugut siunertaasoq Nikkulaat Jeremiassen siulittaasunngortinneqassasoq aammalu Ole Jørgen Davidsen Narsameersoq siulittaasup tulliatut inissinneqassasoq.

– Taamaattoqarsinnaanngissorigatsigu akerliliivugut qinersineq pitinnagu qinersineq qanoq inerneqarumaarnersoq siumoortumik isumaqatigiittoqarnera pillugu, aam­ma minnerunngitsumik akerliuvugut iser­tortumik ataatsimiinnissaq aaqqissuunneqarsimammat, tamatuma kingorna ataatsimiiffimmit anisitaavugut, anivugullu, Aabili Lange aamma Haansi Ortu Sandgreen Sermitsiamut oqaluttuarput.

Allaaserineqartoq aviisimi Sermitsiami tamakkiisumik atuarneqarsinnaavoq. Aviisi uani pisiariuk:

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER