IA: Nunanit allanit sulisussarsiorsinnaaneq naalakkersuisumit Jess Svanemit kinguartiterneqarpoq
Nunatsinni nunanit allanit pilertortumik sulisussarsiorsinnaanermik aaqqissuussineq qangali inissinneqareertussaagaluarpoq. IA-p folketingimut ilaasortaatitaata Aaja Chemnitz Larsenip Naalakkersuisut isornartorsiorpai, Danmarkimimi naalakkersuisut aaqqissuussineq atuutilersinniarlugu nalunaarfigineqarnissartik utaqqiinnarmassuk
Europami nunat angisuut mikisullu nunanit allanit sulisussarsiniarlutik unammileruttortut, Nunatsinni nangaasoqarpoq.
– Sulisoqarnermut, Ilisimatusarnermut Avatangiisinullu naalakkersuisup Jess Svanep Nunatsinni nunatta avataaneersunik sulisussanik pilertortumik tikisitsinissamut aaqqissuussineq, nunani allamiut Nunatsinni pilertortumik, eqaannerusumik sukkanerusumillu sulisorineqalersinnaanerannut tunngasup atuutilernissaanut aaqqissuussineq, kinguarsarsimavaa, IA-p folketingimut ilaasortaatitaa Aaja Chemnitz Larsen isornartorsiuivoq.
Sulisunik amigaateqarneq
Nunani assigiinngitsuni arlalinni suliffeqarfiit ajornannginnerusumik sulisussanik, nunaminnut nunasisunik sulisussarsisinnaanerat ajornannginnerulersinneqarpoq. Piffissami sivisoorujussuarmi taama aaqqissuussisoqartarpoq.
Nunanit tamalaanit sulisussarsisinnaaneq unammissutaanerulerpoq. Ilaatigut Island, Danmark, Tyskland, Frankrig aamma Litauen sulisunut assigiinngitsunut pilertornerusumik sullissisinnaanermik eqqussisimapput, ingammik qaffasissumik ilinniagaqarsimanngitsunik nunanit allaneersunik.
Taama unamminermut Kalaallit Nunaat pilertortumik peqataalinngippat, tamanna tamatta akisunaarsinnaagipput, Aaja Chemnitz Larsen isumaqarpoq.
Doktoritut gradimik angusisimanngikkaluarluni, Kalaallit Nunaat nunanit allanit suliartortunik piukkunnaatilinnik pisariaqartitsisoq takuneqarsinnaavoq, ilaatigut sanaartornermi aalisakkanillu tunisassiornermi, suliffeqarfiit pisortaat isumaqarput.
Allaaserineqartoq aviisimi Sermitsiami tamakkiisumik atuarneqarsinnaavoa. Aviisi uani pisiariuk: