Skip to main content

IA'minngaanneersoq inuiattut erinarsuutitsinnik tulluusimaarnerunissamik ujartuivoq

Inatsisartuni ilaasortap Peter Olsenip (IA) unamminerit aallartinnginnerini inuiattut erinarsuutit atorneqartillugit, kalaallit timersortartuisa tulluusimaarutiginerussagaat oqariartuutigaa

- Timersornermik soqutigisaqartorujussuuvunga, brasiliamiulli isikkamik arsaallutik nunanut allanut unammisartui inuiattut erinarsuut atorneqartillugu assatik uummammi nalaanut tutsillugu nipituumik erinarsoqataasut takusarpakka . Isigalugit nuannarisarpakka, taamaammaat timersortartuutitta siunissami taama iliortalernissaat neriuutigaara.

Taama oqarpoq Inatsisartuni ilaasortaq Peter Olsen (IA) Sermitsiaq.AG'mut, taanna inuiattut erinarsuutitta Inatsisartuni oqallisigineqarnissaanik kissaateqarsimavoq.

Inuiattut erinarsuut nutaaq?

Kalaallit Nunaat marlunnik inuiattut erinarsuuteqarpoq, marlunnillu sooq peqarnersugut Peter Olsenip apeqquseqqavaa. Takusimavaali kalaallilt inuiattut erinarsuut atorneqarnerani timersortartuni isiginnaartartunillu soqutigineqarpallaanngitsoq.

- Marlunnik inuiattut erinarsuuteqarnitsinnut tamanna pissutaava? Imaluunniit soqutigisaqannginnerua?, taanna aperivoq. Taassuma aamma apeqqutigaa nutaamik inuiattut erinarsuutitaassanerusugut.

Inuiattut erinarsuut pigiinnarneqarli

Peter Olsenip aamma neriuutigaa meeqqerivinni atuarfinnilu meeqqat inuiattut erinarsuutitsinnik ilinniartinneqarnerunissaat.

- Siunissami inuiatttut erinarsuutip aappaa atorunnaarsinneqassangaluarpat inuiatttut erinarsuut sorleq pigerusussangaluarpiuk?

- 'Nuna Asiilasooq' pigerusussangaluarpara. 'Nunarput Utoqqarsuanngoravit'  'saperasi isumalersitsi' naggaserneqarnera nuannertorujuungaluarpoq, erinarsuummilu isumataaffiginngisaqarpunga, Peter Olsen akivoq.

Sammisaq Inatsisartut ataasinngorpat oqallisigissavaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER