Skip to main content

IA: Kielsen atorfimminik atornerluivoq

IA-mit Naalakkersuisut Siulittaasuat Kim Kielsen, polikikkikkut atorfini atornerlullugu nipisanniarnermi aningaasanik isaatitsinerarlugu, sakkortuumik isornartorsiorneqarpoq.

- Inuit Ataqatigiit tusarfinnit tutsuiginartunit ilisimatinneqarsimavoq, Naalakkersuisut Siulittaasuat nipisanniarnermut akuusoq, Naalakkersuisut Siulittaasuattut atuuffini iluaqutigalu nammineq inuttut iluanaarutigisinnaasamik iliuuseqarneranik apeqquserneqarsinnaasumik.

IA marlunngormat tusagassiorfinnut nalunaaruteqarnermi taamatut sakkortutigisumik pasilliuteqarpoq.

Sermitsiaq.AG-p pinsi sioqqulluguli Kim Kielsen pineqartoq pillugu oqaaseqartinniartaraluarpaa - iluatsinnaguli.  

IA tusagassiorfinnut nalunaaruteqarnermi nangillugu allappoq:

- Ilisimasarput tamanna soorunami uppernarsaatissaqartinnagu ingerlateqqinnissaa soqutisarinngilarput. Inatsisartunili ilaasortat arlallit namminneerlutik, Naalakkersuisut Siulittaasuat tallimanngormat ulloq 29. maj 2020 tusaavaat oqaluttoq, nipisanniarnermi iluanaarutit nammineq tigusarnagit, nuliatali aningaaserivimmi kontoanut ikineqartartut.

Pasilliinerit sakkortuut

Sermitsiaq.AG-mi IA-meersoq Sofia Geisler aperineqarpoq, tusagassiorfinnut nalunaarummi pasilliutigineqartut ajuallatsitsiniarnertut taaneqarsinnaannginnersut:

- Pineqartoq arlaleriarluta tusarsimavarput, uppernarsaatissaqanngitsumilli pasilliuteqarnissaq pinngitsoorniarlugu avammut oqaatigisimanngilarput. Kim Kielsenilli nammineerluni tallimanngormat tamanna oqaatigimmagu pissutsit allanngorput. Inuit arlallit najuupput, nammineerlunilu tamanna oqaatigivaa. Maanna pissusiviusunik saqqummiussinissaanut periarfissipparput, Sofia Geisler pisumi matumani partiip oqaaseqartartua nassuiaavoq.

IA-p Sermitsiaq.AG-mut ilisimatitsissutigaa, §37 naapertorlugu apeqqutinik siulittaasoq tunineqassasoq. Partiimit nassuerutigineqarpoq pasilliinerit sakkortusut, erseqqissaatigaalli siulittaasup atuuffiata pasillerneqarneq ajoqutigisussaammagu, eqqortoq saqqummiunneqartariaqartoq isumaqarlutik.

- Naalakkersuisut Siulittaasuata atuuffini iluaqutsiullugu nammineq inuttut iluanaarniarluni iliuuseqarsimanerluni tamanut saqqummiuttariaqarpaa innuttaasunullu oqaluttuaralugu. Maanna taamaaliorsinnaavoq imaluunniit §37 naapertorlugut apeqqutinut akissuteqarnermigut tamanna saqqummiussinnaavaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER